Popular Bible Verses from Sahroda 14

Share

Faqat Egamizga qarshi isyon qilmanglar! U yurtning xalqidan qoʻrqmanglar! Ular biz uchun oson oʻlja boʻlishadi. Ular pushti panohidan ayrilgan, Egamiz esa biz bilan boʻladi. Ulardan qoʻrqmanglar!

“Men, Egangizning jahli tez emas, sodiq sevgim moʻldir. Fosiqlikni, isyonni kechiraman. Lekin aybdorni aslo jazosiz qoldirmayman. Men ularni jazolayman, ularning gunohlari oqibatidan farzandlari, nabiralari va chevaralari ham qochib qutulmaydi.”

Agar Egamiz bizdan mamnun boʻlsa, U bizni oʻsha yurtga olib kiradi, sut va asal oqib yotgan oʻsha yurtni bizga beradi.

Lekin qulim Xolib bundaylardan emas. U Menga sodiq qoldi. Shuning uchun Men uni oʻzi koʻrib kelgan oʻsha yurtga olib kiraman. Uning nasli yurtni egallaydi.

borib ularga Mening bu gapimni ayt: “Barhayot Xudo boʻlganim haqi, ont ichib aytamanki, mingʻirlab noliganlaringizni Men boshingizga solaman. Men, Egangiz, aytdim.

Egamiz Musoga dedi: — Qachongacha bu xalq Meni xoʻrlaydi?! Ularning orasida qancha moʻjiza koʻrsatgan boʻlsam–u, qachongacha Menga ishonmay yuradi?!

Jamiki Isroil xalqi Muso va Horundan mingʻirlab nolib, ularga shunday dedi: — Qaniydi, Misrda oʻlib ketganimizda yoki shu sahroda jon berganimizda edi!

Yurtni koʻrib kelgan aygʻoqchilarning ikkitasi Nun oʻgʻli Yoshua va Yafunax oʻgʻli Xolib qaygʻudan kiyimlarini yirtishdi. Ikkovi jamiki Isroil jamoasiga deyishdi: — Biz koʻrib kelgan yurt — juda ham yaxshi joy!

— Lekin Men barhayot Xudo boʻlganim haqi, yer yuzini toʻldirgan ulugʻvorligim haqi, ont ichib aytamanki, bu odamlarning birortasi Men otalariga vaʼda qilgan yurtga kirmaydi. Ular Mening buyuk qudratimni, Misrda va sahroda qilgan moʻjizalarimni koʻra turib Menga quloq solmadilar, Meni qayta–qayta sinadilar. Meni xoʻrlagan bu odamlar Kanʼon yurtini koʻrmaydilar.