Popular Bible Verses from Ishayo 11

Share

Uning ustida boʻladi Egamizning Ruhi. Bu donolik hamda aql–idrok, Nasihat va kuch–qudrat Ruhidir, Egamizni bilish va Undan qoʻrqish Ruhidir. Oʻsha Essay farzandi Egamizdan qoʻrqishdan zavq olar, Hukm qilmas koʻzlari koʻrgani ila, Ajrim qilmas eshitganlari ila.

Essayning tomiridan novda oʻsib chiqadi, Ha, uning ildizidan koʻchat yoyiladi.

U adolat ila bechorani hukm qiladi, Toʻgʻrilik ila yer yuzi mazlumlarini ajrim qiladi. Bir ogʻiz soʻzi bilan zolimni jazolaydi, Nafasi ila fosiqni oʻldiradi.

Adolat uning belidagi kamar boʻladi, Haqqoniyat uning belidagi belbogʻ boʻladi.

Muqaddas togʻimning gir atrofida Ular zarar keltirmas yo chaqmas. Ha, suvlar toʻldirganiday dengizni, Yer yuzi toʻliq bilib oladi Egamizni.

Shunda boʻri qoʻzi bilan yashar, Sirtlon bilan uloqcha birga yotar, Buzoq, sher, boʻrdoqi birgadir, Yosh bola ularni yetaklab yurar.

Mana, Essayning tomiridan chiqqan shoh oʻsha kuni xalqlar uchun baland koʻtarilgan bayroq kabi boʻladi. Elatlar maslahat soʻragani uning huzuriga keladi, Uning maskani ulugʻvorlikka toʻladi.