Popular Bible Verses from 1 Solnomalar 16

Share

Qudratli Egamizga yuz buring! Uning huzurida boʻlishga intiling.

Egamizga shukrona ayting, U yaxshidir! Uning sodiq sevgisi abadiydir.

Egamizga shukur ayting, Unga sajda qiling, Boshqa xalqlar orasida Uning ishlarini bildiring.

Egamizning muqaddas nomi ila faxrlaning, Egamizga yuz burganlarning qalbi shodlikka toʻlsin.

Ey sizlar, Egamizning quli Isroil nasli, Ey Yoqub oʻgʻillari — Egamizning tanlaganlari, Egamiz qilgan ajoyibotlarini esda tuting, Uning moʻjizalarini, chiqargan hukmlarini unutmang.

Tarannum qilib Uni, hamdu sano ila qoʻshiq ayting, Uning jamiki ajoyib ishlarini soʻzlab bering.

Egamiz buyukdir, koʻp maqtovga loyiqdir, Jamiki xudolardan U izzatlidir.

Egamizning sharafiga hamdlar oʻqing! Nazrlar keltirib, Uning huzuriga kiring! Muqaddas ulugʻvorlikka burkangan Egamizga sajda qiling!

Shuhratu ulugʻvorlik Uning huzuridadir, Qudratu shodlik Uning maskanidadir.

Ey olam, Egamizni tarannum eting! Har kuni Uning najotidan soʻylang.

Eʼlon qiling elatlar orasida Uning shuhratini, Jamiki xalqlar orasida Uning ajoyibotlarini.

Aytdiki: “Men tanlaganlarga tegmanglar, Paygʻambarlarimga zarar keltirmanglar.”

Zotan, xalqlarning hamma xudolari butlardir, Egamiz esa samolarni yaratgandir.

Shunday ekan, Uning ahdini doimo yodda tuting, Minglab nasllar osha vaʼdasini unutmang.

Samolar shod boʻlsin, zamin quvonsin, Elatlar orasida aytishsin: “Egamiz Shohdir!”

Isroil xalqining Xudosi — Egamizga To abad olqishlar boʻlsin.” Shundan keyin jamiki xalq: “Omin!” deb Egamizga hamdu sanolar aytdi.

Egamizga hamdlar ayting, ey zamin xalqlari! Egamizning qudratiyu shuhratiga hamdlar oʻqing!