Popular Bible Verses from Room 8

Share

Yaa kaa zum lugɔ Kɔraawiizi ɔɔ giluu wiimaa birgi winanii tɛɛ banla am paruu u lizi tɛɛ u hiŋ, ba nɔŋŋuu la.

Wii naa waa bilii maa dɔɔwɛ n be. N zummɔ lugɔ siu ni miibɔɔ, mɛlikananaa ni achɔgaa, wia la n du de filaŋkeŋ ni wia la n niŋ haa du de, fɔŋŋazi dizi, kuna la n du chiŋ ni kuna la n du hɛri ani kundee maa n du de, annii bɛl maa wàá wer lizi Kɔraawiizi nɔŋŋaa la yaa n zummɛ yaa Dɔɔri Yeesu Kristo be la, yaa ni.

Gunnɛ Kɔraawiizi Dumnanii ra hiini yaa dikuu yaa gɛrga wia. Yaa waa ɔɔ zum suŋŋaa la n dɛkkɛ yaa n niŋ suŋŋi Kɔraawiizi be. Ka u Dumnanii la ɔɔ suŋŋuu ra tɛɛ yaa. Unna suŋŋuu la, a ɛɛwɔɔ lugɔ himaa yaa n waa wette ya kpa du wiŋɔzi biini.

Di yaa zum wia naa maa miŋ ŋɔwɛɛ naa, ɛɛrɛ yaa wia jaa duɛi? Kɔraawiizi n chigɛ yaa har naa, anɛɛ n niŋ kaa wer bagli fɔŋŋa yaa ninɛi?

Awia, di yaa ni Yeesu Kristo kpauwɔ, Kɔraawiizi wàá ka di ya seriya ya chol.

Banla n ɔɔ gil ba nfɛrɛ du ba bɔrahɔŋ wia ni la siuwɔɔ. Banla ge n ɔɔ gil ba nfɛrɛ du Kɔraawiizi Dumnanii ni la, ba dɔɔ miibɔɔ ni bampirsɔnaa.

Ka wia naa maa, di bɛl maa wa huuzi yaa, yaabuu kpekke kaaluu, dikuu Yeesu Kristo n nɔŋŋi yaa la wia.

Tɔɔrɔɔ naa yaa n na di filaŋkennaa, waa girme la yaa n niŋ wa na la duglɛɛ.

Bɛɛ n niŋ wer lizi nɔŋŋaa la Kristo n nɔŋŋi yaa la yaa ninɛi? Anuula, dɔgnya, tɔɔrɔɔ dii, lɔzi, nyaari, siu biini dui ani yaa kpui, annii bɛl maa wàá wer lizi nɔŋŋaa la un nɔŋŋi yaa la, yaa ni.

Unla ge n ɔɔ ra pessi yaa biine la ɔɔ zum u Dumnanii la nfɛrɛɛ, dikuubɛɛwiai, u Dumnanii labuu zum u kipar, di suŋŋuu guŋ ra tɛɛ yaa.

dikuubɛɛwiai, banla maa n na hiŋ Kɔraawiizi Duma la ɛɛ Kɔraawiizi biizii.

Banla n ɔɔ gil ba bɔrahɔŋ dɔɔ baa la, ba bɔrahɔŋ wiarɛ ba kpa su siwii. Banla ge n ɔɔ gil Kɔraawiizi Dumnanii dɔɔ baa, u wiarɛ ba ge kpa su siwii.

Kɔraawiizi n wette kuu yaa maa wia di kpa u himmaa Biibaal du nɛra nonee biini, ba faa ra nyiŋŋi ba kpuu ka wɔɔ lɛɛwɛ la, amɔ, wàá sunzi yaa kummaa dikuu u Biibaal la wiaa?

U Dumnanii ɔɔ gil yaa zum yaa biine lugɔ yaa ɛɛ Kɔraawiizi biizii. Di yaa ɛɛ u biizi, yaa ɛɛ u kapɛttɛ diiree jaa. Yaa ni Kristoo niŋ kpau di di u kapɛttɛ la. Yaa ni Kristo maanii kpauwɛ ra di tɔɔrɔɔ, ka yáa nuu maa wa kpau na girme.

Banla nfɛrɛ n du ba bɔrahɔŋ wia ni, ba hah Kɔraawiizi wiarɛ. Ba waa u nua ra hiŋ. Di ba faa ra nyiŋŋi ba hiŋ u nua, ka ba wàá wer hiŋuu.

Chiŋ ni hɛri gba aah siwiire di ra kpaŋ saŋa la Kɔraawiizi biizi n niŋ wa lii labuu

Yaa zummɔ lugɔ chiŋ ni hɛri maa di tɔɔrɔɔrɛ, di him guŋŋ wa lii zinaa.