Popular Bible Verses from Room 1

Share

Kristo amaniyesuma la wia wanna ɛɛ hiihzi, dikuubɛɛwiai, a ɛɛ Kɔraawiizi fɔŋŋa wiarɛ, di wer ra lɛɛ banla maa n niŋ sɛɛ a wia. Jus hinaa ń feli ɛɛ guŋ tɛɛ, ka jaa ɛɛ tɛɛ banla n waa Jus hina ɛɛwɛ.

Kɔraawiizi gillɔɔ yaa zum lii u amaniyesuma baglaa biini gunla un niŋ ɛɛ nɛ́ra wia deŋli u be. Yarda ɛɛ u luglii di kaa ɛɛ u tuna ge. Ba faa sɛbi guŋ wiarɛ, di ŋɔ, “Nɛr la wia n deŋlee, yardaa niŋ ɛɛ u miibɔɔ.”

Un ta durnya guŋŋ wa hel zinaa, ba wettoo na gunla un duwɛɛ. U duula waa na, ka ba wer na gunla un duwɛɛ u kuna la un tawɛɛ la be, di wer chi de zum u fɔŋŋa la n waa tuŋ la ni u Kɔraawiizi ge duula. U lizi a wia maanii chaaŋ. Awia, ba waa kaa dɔɔ nua ban niŋ ŋɔ wii maa.

Dikuubɛɛwiai, baŋ wette zum Kɔraawiizi la, ka ba waa sɛɛwɛ bá tɔgzuu gunla n dɛguu. Ba biine waa huuhzɛɛ tɛu bá wer tɛu jaaŋ gba. Ba bir bugmi di ra fɛ nfɛrjagazi. Ba siwee waa pillɛɛ ka bir tɔ ra jaa.

Ba kpa Kɔraawiizi wibii di chɛr kara wia, di ra tɔgzi kuna la un tawɛɛ la kaali u himmaa. Waabuu ɛɛ chiŋ ni hɛri taari di dɛg chɔlaa saŋa maa. Ami.

Kɔraawiizi kaa gil yaa zum gunla u baaŋ n fuuhwe dikuu banla n vɛɛ u nua, ka ra ɛɛ wichɔgaa la ni. Ba wia waa deŋlee. Ba ra tɔ wibii ŋmɛnɛɛrɛ

Awiarɛ Kɔraawiizi bir u har kpu baa, ba ra hiŋ ba kunnyiŋŋichɔgaa la. Ba haana gba vɛɛ ba ni baala chɔɔi la, Kɔraawiizi n tɛɛ baa bá ra chɔɔ la, ka ra chɔɔ ba dɔŋa haana be. Baala ge ra ɛɛ guŋ di gil chɔɔi la n dɛkkɛ ka ra nyiŋŋi ba dɔŋa baala ani nyiŋŋichɔgaa werge maa, ba ni baa ra ɛɛ wikuna. Ba wileulaa wiarɛ ba ɔɔ na ba wichɔgaa kinturgaa. Baŋ waa sɛɛwɛ bá zum Kɔraawiizi la wiarɛ u gil ba birgi nfɛrchɔgaa hina di ra ɛɛ wia la n waa dɛkkɛ

Ba ra yir bahinaa nunzunna ka ɛɛ gɛnaa. Kɔraawiizi n dɔɔ girme werge waa siwaa dɔɔwɛ la, ka ba vɛɛu ka ra tɔgzi kuna aŋhina bam mawɛɛ a ɛɛ lugɔ newea, zumbizi, kunnaazi anaazu hina ani kuntuuzaa.