Popular Bible Verses from Wiɛɛlaa 4

Share

Nɛr maa waa hoo un niŋ wer lɛɛ yaa di Yeesu bɛŋ lɛi. Durnya maa biini, u bɛnnɛ dɔɔ sɔŋ la n niŋ wer lɛɛ yaa.”

Baŋ wa jaamɛɛ tuŋ, dia la biini baŋ chaalɛɛ la zigli Kɔraawiizi fɔŋŋa biini. U Dumnanii wa izi ba maa bampiree werge, ba ra ŋɔ Kɔraawiizi wia la ni bampirii.

Awia, yaa Dɔɔri, filaŋkeŋ binni gunla baŋ ɔnzi yaa la ka tɛɛ i huŋhunna bampiree bá wer ra ŋɔ i wiŋɔzi la.

Kɔraawiizi Hɔŋ ta sɛɛlii bɛllɛ, dí, ‘Bii la maara n faa vɛɛwɛ ha labuu kaa birgi bikpeg ba kpa ra faari dia zɛɛ. Yeesuu a bii. Ii genii a maara.’

Seriya diire la nuu. A tir baa werge, dikuubɛɛwiai, Pitta ni Jɔɔn waa kiizunna ɛɛwɛ. Nɛdumazii baa, ka ba dɔɔ bampiree gunla. Ba jaa zum lugɔ baabuu ɔɔ faa ra hiŋ Yeesu la.

Banla maa n yardi Yeesu la, ba maa dɔɔ nuukpaŋ dɔŋa ni. Bɛl maa waa ɔɔ sɛɛ ŋɔ kuna la un dɔɔwɛ ɛɛ u bɛŋ kunaa. Ba maa kunaa.