Popular Bible Verses from Матта 24

Share

Яман ишлериң артанлыгы зерарлы, көплериң сөйгүси совар. Эмма соңуна ченли чыдан халас болар.

Патышалыгың бу Хош Хабары әхли миллетлере шаятлык хөкмүнде дүнйәниң әхли еринде вагыз эдилер, диңе шондан соң дүнйәниң ахыры гелер.

Сиз уруш турандыгы ве уруш барадакы мыш-мышлары эшидерсиңиз. Хич затдан горкмаң. Булар болмалыдыр, йөне энтек соңы дәлдир.

Миллет миллете, патышалык патышалыга гаршы чыкар. Айры-айры ерлерде ер титремелер, ачлыклар йүзе чыкар. Буларың хеммеси бургуларың башлангыҗыдыр.

Асман билен ер өтер, эмма Мениң сөзлерим асла өтмез.

Көплер Мениң адым билен гелип: „Мен Месих“ дийип, энчеме адамлары алдарлар.

Соңра сизи ызарланмалара сезевар эдерлер, өлдүрерлер, Мен себәпли әхли миллетлер сизи йигренерлер. Шонда көплер Менден эл чекип, бир-бирлерине хайынлык эдерлер, бир-бирлерини йигренерлер. Энчеме галп пыгамберлер дөрәп, көплери аздырарлар.

Иса олара шейле җогап берди: «Әгә болуң, хич ким сизи алдаймасын!

Мунуң үчин сиз хем тайяр болуң, себәби Ынсан Оглы сизиң осламаян сагадыңызда гелер.

Шонуң үчин оя болуң, себәби Реббиңизиң хайсы гүн гелҗегини билмейәрсиңиз.

Эмма ол гүни хем сагады хич ким билйән дәлдир, не гөкдәки перишделер, не-де Огул билйәндир, диңе Ата билйәндир.

Чүнки галп месихлер ве галп пыгамберлер дөрәп, сайлананлары-да мүмкин болдугыча аздырҗак болуп, бейик аламатлардыр мугҗызалар гөркезерлер.

Нухуң дөврүнде яшайыш нәхили болан болса, Ынсан Оглуның гелши-де шейле болар. Нухуң гәмә мүнен гүнүне ченли, силден өңки гүнлерде адамлар ийип-ичйәрдилер, өйленип, дурмуша чыкярдылар. Әпет сил гелип, хеммесини сүпүрип әкидйәнчә, олар өз башларындан инҗек затлардан асла бихабардылар. Ынсан Оглуның гелши хем шейле болар.