Popular Bible Verses from Якуп 3

Share

Эмма гөкден инен даналык илки билен пәкликдир, соңра парахатлык сөйүҗиликдир, мылайымлык ве өзара ылалашыклыкдыр. Ол мерхеметден ве хайырлы ишлерден долудыр. Шейле даналык тарапгөйлик ве икийүзлүлик этмейәр.

Араңызда дана хем парасатлы адам бармы? Эгер бар болса, гой, ол муны догры дурмушы ве даналыкдан чыкян песпәллиги билен битирен оңат ишлеринде гөркезсин.

Парахатлык дөредйәнлер парахатчылык тохумыны сепип, догрулык хасылыны орярлар.

Чүнки бахыллыгың, мен-менлигиң бар еринде бидүзгүнчиликлер ве хер дүрли пыссы-пыҗурлыклар хем бардыр.

Дилимиз билен биз Реббимизи ве Атамызы алкышлаярыс, шол бир вагтың өзүнде хем Худайың кешбинде ярадылан ынсанлары нәлетлейәрис. Алкыш ве нәлет бир агыздан чыкяр. Эй, мәхрибанларым, бу бейле болмалы дәлдир.

Дил хем бир отдур, беден агзаларының арасындакы яманлык дүнйәсидир. Ол тутуш барлыгыңызы вейран эдйәндир, довзах оды билен бүтин дурмушыңызы көйдүрйәндир.

Эмма хич бир ынсан дилине диен этдирип билйән дәлдир. Дил гутармаян пислик болуп, өлдүриҗи зәхерден долудыр.

Эй, доганларым, хеммәңиз йыгнакда өвредиҗи болмаң! Себәби биз өвредиҗилериң хас берк хөкүме дучар болҗакдыгымызы билйәнсиңиз.