Popular Bible Verses from Мүсүрден чыкыш 12

Share

Шол гиҗе Мен Мүсүриң ичине айланып, мүсүрлилериң әхли новбахар огулларыны, адамларындан тә малларына ченли илкинҗи доглан эркеклерини өлдүрерин. Мен Мүсүриң әхли худайларының үстүнден хөкүм чыкарарын. Мен Ребдирин. Болян өйлериңизиң гапысына чалнан ган сизиң үчин нышан болар. Мен ол ганы гөренимде, сизиң үстүңизден совлуп гечерин. Мен Мүсүри җезаландыранымда, хич хили бетбагтлык сизи вейран этмез.

Бу гүн сиз үчин ятлама гүни болар. Сиз муны Мениң шаныма байрам эдип белләрсиңиз. Соң сиз бу байрамы несилме-несил эбедилик дүзгүн эдип сакларсыңыз.

Чагаларыңыз сизден: „Бу байрам нәмәни аңладяр?“ дийип соранларында, сиз олара: „Бу Реббе берилйән Песах гурбанлыгыдыр. Мүсүрде Реб мүсүрлилери өлдүренде, ысрайылларың өйлериниң үстүнден совлуп гечди, бизиң җанымызы аман галдырды“ дийип җогап бериң». Муңа ысрайыллар башларыны эгип, сежде этдилер.