Popular Bible Verses from བཀོད་པ། 49

Share

ཞི་ལོ་ཞེས་བྱར་གྲགས་པ་ཁོང་ཉིད་ཕེབས་པ༌དང༌།། མི་རིགས་ཀུན་གྱིས་ཁོང་གི་ངག་བཞིན་སྒྲུབ་པའི༌བར།། ཡ་ཧུ་དཱ་ལས་རྒྱལ་པོའི་མཁར་བ་མི་འཕྲོག༌ཅིང༌།། ཁོང་གི་རྐང་པའི་བར་ནས་མཁར་བ་འཆོར་མི༌སྲིད།།

ཡོ་སེབ་ཞེས་པ་ཤིང་ཏོག་སྨིན་པའི་འབྲས་བུ༌དང༌།། ཆུ་མིག་འགྲམ་དུ་འབྲས་བུ་ཐོགས་པའི་ཡལ་ག༌བཞིན།། དེ་ཡི་ཡལ་ག་བརྐྱངས་ཏེ་གྱང་ལས་བརྒལ་བར༌བྱེད།། མདའ་གཞུ་འཛིན་མཁན་གྱིས་ནི་གློ་བུར༌ཉིད།། ཁོ་ལ་རྒོལ་བར་བྱེད་ཅིང་མདའ་འཕངས༌ཏེ།། ཁོ་ལ་གནོད་པ་བཟོས་ཤིང་བཟོ་བར༌བྱེད།།

འོན་ཀྱང་ཡེས་ར་ཨེལ་གྱི་རྫི་བོ༌དང༌།། ཡེས་ར་ཨེལ་གྱི་ཕ་བོང་ཆེན་པོ༌སྟེ།། ཡ་ཀོབ་ཀྱི་ནི་སྟོབས་ལྡན་ཞེས་གྲགས༌པས།། ཡོ་སེབ་ལག་ཏུ་མདའ་གཞུ་དམ་དུ༌བཟུང༌།། ཁོ་ཡི་ལག་ཟུང་བརྟན་ཅིང་ལྡེམ་མྱུར༌ཆེ།། དེ་ཡང་ཁྱོད་ཀྱི་ཕ་ཡི་དཀོན་མཆོག༌གིས།། ཁྱོད་ལ་སྐྱབས་སུ་མཛད་ཅིང་མཛད་ལགས༌ཏེ།། ཀུན་དབང་ལྡན་པ་ཁོང་གིས་ནམ་མཁའ༌དང༌།། ས་གཞིར་ཁྱབ་པའི་བྱིན་རླབས་མཐའ་དག༌དང༌།། མངལ་ལྡན་ནུ་མའི་བྱིན་རླབས་གནང་བར༌འགྱུར།།

ཡ་ཧུ་དཱ་ཁྱོད་བདག་གི༌བུ།། ཁྱོད་ཀྱི་ལག་པས་དགྲ་བོ༌ཡི།། གཉའ་ནས་དམ་དུ་བཟུང་བའི༌ཕྱིར།། སྤུན་གཞན་གྱིས་ནི་ཁྱོད་ལ༌བསྟོད།། ཁྱོད་ལ་ཕ་ཡི་བུ་རྣམས༌ཀྱིས།། མགོ་བོ་བསྒུར་ནས་ཕྱག་འཚལ༌ལོ།། ཡ་ཧུ་དཱ་ཁྱོད་བདག་གི༌བུ།། ཁྱོད་ནི་སེང་ཕྲུག་ཇི་བཞིན༌དུ།། རི་དྭགས་བཟུང་ནས་འགྲོ་བར༌བྱེད།། འགྱིང་བའི་ཚེ་ན་ཕོ་སེང༌དང༌།། སྡོད་པའི་ཚེ་ན་མོ་སེང༌བཞིན།། སུ་ཡིས་ཁྱོད་རང་དཀྲོག་པར༌ཕོད།།

རུ་བེན་ཁྱོད་ནི་བདག་གི་བུ་ལས་སྐྱེས་འགོ༌སྟེ།། ང་རང་ལུས་སྟོབས་དར་བའི་དུས་སུ་སྐྱེས་པའི༌ཕྱིར།། ཁྱོད་ནི་མཆོག་དང་དབང་དང་ལྡན་པ་ཡིན་མོད༌ཀྱང༌།། ཁྱོད་ནི་ཆུ་ལྟར་རྒྱུགས་པས་གཞན་ལས་མཆོག་གྱུར༌མིན།། ཁྱོད་ནི་རང་གི་ཕ་ཡི་མལ་ཁྲིར་འགོས་པ༌དང༌།། ཁྱོད་ཀྱིས་བདག་གི་གཟིམ་ཁྲི་ཡེ་ནས་རྫོབ་ཕྱིར༌རོ།།