ཁྱེད་རང་ངེད་རྣམས་དང་ལྷན་དུ་ཕེབས་ན་མ་གཏོགས། བདག་དང་ཁྱེད་ཀྱི་འབངས་མི་དང་བཅས་པ་ལ་ཁྱེད་ཀྱི་སྤྱན་སྔར་ཐུགས་རྗེ་ཐོབ་པ་ནི་མི་གཞན་དག་གིས་ཅི་ལྟར་ཤེས་ཐུབ་བམ། དེ་ལྟར་ལྷན་དུ་ཕེབས་པ་ན། ད་གཟོད་ས་སྟེང་གི་མི་ཐམས་ཅད་དང་ང་རང་ཐེ་བའི་ཁྱེད་ཀྱི་འབངས་མི་ལ་ཁྱད་པར་ཡོད་པ་ཤེས་པར་འགྱུར་ཞེས་ཞུས་སོ། །
ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། བདག་གི་མིག་ལམ་ནས་ཁྱོད་ལ་སྙིང་རྗེ་ཐོབ་ཅིང་ངས་ཁྱོད་ཀྱི་མིང་ནས་ཁྱོད་ངོ་ཤེས་པས། ང་རང་ལ་ཞུས་པ་བཞིན་དུ་བདག་གིས་ཀྱང་བྱེད་པར་འགྱུར་ཞེས་གསུངས་པ་དང་།