དེ་ནས་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ཁྱོད་རང་ཕཱར་ཨོལ་གྱི་མདུན་དུ་སོང་ཞིག བདག་གིས་ཁོ་དང་ཁོའི་འཁོར་གཡོག་རྣམས་ཀྱི་སེམས་གྱོང་པོར་བྱས་པའི་ཕྱིར་ཡིན། དེ་ནི་ཅི་ལ་ཞེ་ན། ངས་གྲུབ་རྟགས་དེ་རྣམས་ཁོ་ཚོའི་ཁྲོད་དུ་སྟོན་པ་དང་། བདག་གིས་ཨེ་ཅིབ་པ་རྣམས་ལ་ཇི་ལྟར་འཕྲིན་ལས་མཛད་པ་དང་། དེ་དག་གི་ཁྲོད་དུ་གྲུབ་རྟགས་ཅི་ལྟ་བུ་བསྟན་པ་རྣམས་ཁྱོད་ཀྱིས་རང་རང་གི་བུ་དང་ཚ་བོའི་རྣ་བར་སྨྲ་བ་དང་། ཁྱོད་རྣམས་ཀྱིས་བདག་ནི་ཡ་ཝཱེ་ཡིན་པ་ཤེས་པར་འགྱུར་བའི་ཕྱིར་ཡིན་ཞེས་གསུངས་སོ། །