Ma̱ninika, yok a̱mgba̱m a̱kyenkyai shi a̱ yet a̱si̱ A̱gwaza a̱ni,
nggu wa maai a̱ byia̱k nyin nyi du ga̱u;
a̱wot a̱ bu bai ma̱ng a̱nyin ma̱ng a̱gba̱ndang a̱gwai mami a̱kyenkyai shi nggu wu
nang á̱niet sang a̱bun a̱zaghyi nggu a̱ni.
Yok a̱mgba̱m a̱kyenkyai shi a̱ yet a̱si̱ nggu,
nggu ma̱nyin gu a̱ yet A̱gwaza a̱ni,
nggu wa yet A̱tyusan zi̱t,
mat Yesu Kristi A̱tyoli nzi̱t wu.
Yok a̱mgba̱m a̱kyenkyai shi, yet, chet, ma̱ng tyok,
ku yet si̱ nggu hwa,
neet nang á̱ ka̱n tsa nche bah,
ba̱ng bai ma̱nini, ma̱ng si̱ nat sang sangba̱p! Samba̱rka!