Popular Bible Verses from 1 Bitut 5

Share

Nyi neap A̱gwaza a̱mgba̱m a̱fi̱fa nyin wu, mat nggu wa chok nyin.

A̱wot A̱gwaza a̱ byia̱ a̱mgba̱m shok a̱ni, nggu wa yorong nyin nyi ya gado mi̱ a̱kyenkyai shi sang sangba̱p nggu wu mami a̱lyoot Kristi. Mat a̱nia, ka̱ nyi swuo a̱bung da̱ a̱banjen ma̱ a̱da̱dei, a̱ na bwuok ma̱ng a̱nyin kuzang kyang, a̱ beang nyin, a̱ byia̱k nyin, a̱ tyia̱ nyin chet. A̱wot a̱ kpaat nyin di̱ kuntyin ku byia̱ chet a̱ni.

Nyi ta̱bam, nyi cham pyipyia̱ nyin, mat a̱tyu lak li nyin wu, a̱ yet A̱ta̱nyeang ka a̱ni, bang a̱ kat a̱ tu a̱nwurung nang zaki a̱ni. Ka̱ chat a̱tyu ka̱ na ta̱bat ka̱ ya di̱ wuwok a̱ni. Nyi yong mi̱ chet di̱ nwuak a̱chuchuk nyin hu. Nyi lak A̱ta̱nyeang ka ndyo. Nyi yok bwung bah. Á̱niet khwi ba ba̱ yet á̱na̱nyiuk nyin ba mi̱ swanta hu a̱ni, ba̱ shyat ntangka̱i ya̱shuk nang nyi shyat a̱ni.

Mat a̱nia, nyi ghyuai á̱pyia̱ nyin a̱zaghyi A̱gwaza a̱ byia̱ a̱gba̱ndang chet a̱ni, da̱nian A̱gwaza si̱ ba̱ ta̱ngam nyin, a̱ nwuak nyin shi da̱ a̱tsatsak njen.

Ma a̱nia wa, nyin nfi̱ng á̱niet na, ku yet ta hwa nyi khwi tyok á̱niet khwop á̱niet hu. A̱wot a̱mgba̱m nyin, nyi beang á̱ghyang kuzang jen. Nyi yok nyia̱ gba̱p a̱pyia̱ bah, ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱gwaza lak gba̱p a̱pyia̱ á̱nietbishyi. A̱wot a̱ si̱ fa̱k shok á̱niet ba̱ ghyuai pyipyia̱ mba da̱ a̱vwuo nggu a̱ni.”