Popular Bible Verses from Titus 3

Share

Aya yo ki̱bune n ti mi̱laku Kwama naba yuke a fwenge. N Kwama a yu ni. N ke di̱ne nangi̱n ti̱yili chirei, aya di̱ne ki̱bune ko. N ki̱n a nura ki̱leti chireyu a ni chi̱ni Fi̱ki̱m bi̱bi wauwadi̱m, n ti bi̱be wu robe n ti ti̱kuri ti̱fwi. Fi̱ki̱m Kwamamu a kuri burtu we dutu chi̱retu we a di̱n Yesu Masiya naba yukenu. A ma ti̱tu di̱ne we li̱meko ke ni̱n kadu ni̱bu ki̱leti̱m we kakku Kwamangu, ke ni kau bi̱bu ka chau kula wu a ti̱kuri ki̱diya kwadi ti̱tu niyang yo ni̱r wetu.

Kur ni̱bu mumu mi̱n mwiko a na ni bi̱duumu dwiyentu n ti bi̱bu ki̱ma mati̱n mu, a bunti̱ ya̱m chimu. A swengi doku bwiyang a nang ma nangi̱n ti̱tu a lelei. A fwadu ya̱m bi̱bwilam we a dur wuka niin. Ti̱nti̱ne a na ma fiswe li̱mange, a kab ki̱ni ni̱ri bukki̱n, a yung ni̱r di̱yili̱n we ka n wure.

Aya di̱ki̱du duru we ya̱mi yikusiyu n ti kiku tukebangu n ti di̱kulan yiinu we yili̱n Musantu. Ti̱tu ka nangang ki̱kusang n ti kaiku ki̱swiyang.

Aya nii wu ki̱yo chimi̱n yarame, ka ti̱kwabu ki̱da yurau a nwebu chi̱ne, ti̱yo nii wuko a ki̱ti̱ku ti̱du ki̱n.