Popular Bible Verses from Romam 8

Share

Ni tu ni yim ko, kanang chi kiye n Kwama ki̱ma bi̱bu a mi̱la ki̱ni̱mu mi̱n ti̱yili, ka nang chi kiye, bi̱bu a yal a ki̱ke komu.

Ki̱kumang, n ke bi̱yili̱mu ka bwa ka ti̱kuriye, ka ni̱bu ti̱tumbi̱rime, ka ki̱fi̱bti yi bwilaye, ka da wu ki̱ka̱nge ka wu ki̱bede, ka kasi bi̱bi̱le ki̱duum dukani̱m mati̱n ne, Ka sa̱re ka bwange kasi no ti̱ti̱le we chi Kwama yo, a ne yarkayu n ti mi̱laku Kwamangu a mami a di̱Yesu Tewuduwe chirengu. A ne chi ka yarka nide we.

Yiko ti̱nti̱n, Fi̱ki̱m Kwamamu ki̱maka nidu yo dukana newe. N chi̱ni niyang yimbu chi a no dakan niing twa̱ba̱n bunite aya Fi̱ki̱m Kwamamu we ware n ti chi̱ni bobu ki̱ twa̱ba̱ ni mi̱nu, ki̱tinadu ki̱ni ti̱kwa̱litu ne ni yim fwaditu.

Ni fwadu ko wule we wu nabwe chi ya̱r yii wu ye? Ka n Kwama a di̱chi̱niye, n wure a lwe ka katadu n ti chi̱niye?

Di̱ne yiko, ki̱ka̱ngu a ne kaiyakuwe bi̱bu ki̱bunti̱ Yesu Masiya.

Yo ni̱re we da bwiye ki̱yikadu ki̱ni ni a wa̱re wa bwa̱ke aya yo ni̱re we wa̱re Fi̱ki̱me ki̱ni ti̱kuri n ti li̱mang.

Ko bayim, a kuteng ti̱chitu wuwangi kwang, n chi̱ni ni̱bu ki̱lam a di̱n Yesun wu a mi̱la niye.

We da̱ngki̱ mangu, riye ni nwedu ki̱ka̱nge, a mwatanbu chi n ti dwiyentu yani yaditu.

Kano wureni ka medu ka yarka ni n ti mi̱laku Masiya ma a nimi̱nangu? Riyenga, fumaka, chuna, kwalanna ka bwanga?

N ki̱n wu a yim chi a ni̱r niine, a yim chi a ti̱kuran Fi̱ki̱m me. Di̱ne Fi̱ki̱mu ki̱twa̱ba̱ ni̱bu Kwamamu mi̱n chi a ki̱ke Kwama.

Nangki̱n, bi̱bu Fi̱ki̱m Kwama a ti chimi̱n kaki̱mu, bwesi̱m Kwamam.

Bi̱bu ki̱ tum ki̱ke bwiyemu, ki̱ma chitu bwi chiyu ki̱badditu aya bi̱bu a yo ni̱tu a chi Fi̱ki̱m Kwamam ki̱baddite, ki̱ma chi Fi̱ki̱mu ki̱badde.

Yo n Kwama a dubu wuko Bwe, a yo bwa bwe ko di̱ne chi̱ni kwange, n Kwama wu a tu a ni chi̱ni Masiya, ka bwin wureni wu a ne ka ni nide?

Fi̱ki̱m Kwamamu ti bi̱chiremu ki̱yungdu ko n chini bwesi̱m Kwamam. Yo kwer ki̱ka̱ngu n chi̱ni bi̱u Kwama, ni chau kula wa delaku Kwamange, ni kau fati̱bu Yesu Masiya we kula Kwama. Yo niyang nwe riye n ti Yesuwe, ni yati̱ dwiyentu ware we kakku Kwamangu.

Kanang wuwule niye wu ki̱yadu a da bwiye, a kau fakware Kwama di̱ne a yabu yayu we ki̱ke Kwama we bi̱yili̱mu, n ki̱n a ne me yayu we yilang Kwamangu n ki̱n a ne medu ka madu.

Chi n Kwama yoti̱ kwang, a yo ni̱ri ki̱ng chi ku di wu n Kwama ka wudu bwesi̱m ki̱mu mi̱n dwiyen kite.

Ni yim ki̱ka̱ngu ti̱ti̱nitu ki̱ tinadu yinang yo bi̱be a lam naye mi̱ne lanta ki̱ka̱ng.