Popular Bible Verses from Dwakam 6

Share

N dang dii, n ku, wuka kwere yi bursi̱n we kakku mangu, wu fi̱lenge, di̱n ki̱nu bwa, fi bi̱bwari̱m ki̱sweende ki̱nabu ki̱nu. Ni̱bu a ni chi dukanu we ti̱me chi wiin a diya yana we ti̱ti̱nitu, ke a chi̱u ki̱ni kul, n ti chuun n ti ki̱kume, yinu n ti nai di̱kir.

N dang, n ki̱la n ku kwere wi mwe we kakku mangu! Wu a swe we ki̱ni ki̱kaiye, ni̱bu a ni ki̱n di̱ki̱ri̱n. N ki̱n a chir yinang wu ki̱chau ki̱la, keki̱ chakakku ki̱ni chaku ki̱langu.

Yinu Be Kwane a wudu kale dukane wu yunuwe. We mure se Kwama n ku ti̱kuri bi̱bu ni̱bu a chiben di̱ne ki̱mwa ya̱m Kwamamu ki̱ni ni̱ri diine.

N chi a kuku keru ki̱ni dukan ko, “Wa Tewuduwe naba dukane kwang, wu wauwade n ti wu ki̱fwa bi̱yili̱me, be mwang mwata ni̱bu ti̱ti̱nimu mi̱nu fere, ki̱tumu n chi a kur we ni̱nangu?” A ni ka nang wuwule we tibe chi luke wu twenge. Yinu a yi ti̱chi ko a fi̱kani bayim ka lami̱nti̱ yo fati̱bu nangang chimu n ti kebu bi̱bu ni̱bu yaka chidi̱mu yinangu a chi̱u bi̱kamangu.

Yinu wukane kwere a chire, yi wur, ni̱bu a ni wu a swenga kwere dukanu ka da̱u li̱me we ti̱ti̱nitu ka yo ni̱bu ka chi̱be yichiyu a ne li̱me we. Ni̱bu a ni ki̱n Kul di̱dun.

Ka di ki̱fwini wubwila ko a be, n wure ka medu ka ti̱du?”

Yinu fal n ku Be Kwane a wudu kale dukane wu yurukune, ti̱mu a mi̱kan yinangu a fwebuwe. Dii a ki̱la kabi ki̱li yinang luke wu ki̱liye. Swangu a suten yinang ki̱tuum. Ki̱switiyu we dii ki̱fi̱tadu we ti̱ti̱nitu, yinang ka ti̱kulan tiyang sinang ti̱ta bi̱bi ki̱twakadu ka ki̱fi̱be wu wuduwe a mi̱ke.

Yo Be Kwane a wudu wutare kale dukane, n wutare wukure ko, “Be!” N da̱ng, n ku wuka kwere ki̱li we kakku mangu, nii wu a fi̱le, ki̱ni si̱keli ni sween chiye we fa̱la̱ng kangu. Yinu n nwe ti̱kan chi yinang ker ki̱chiredu we tibe bi̱kuri̱m bi̱bi baaname ko, sa̱ne chame wu a sure a kubi wiin, yinu sa̱ne yitta wu a cham bali̱me wu a sure a kubi wiin. Aya ti̱kaiyu ki̱nung Saitunangu we n ti mwe yinabiye.

Twiye a dalan yinang ka ni dal di̱ba̱la̱ng. Kanang di̱di̱le kunne n ti kuni mwetu a chir we fanti chiyu. Yinu mati̱m ti̱ti̱nimu n ti mati̱m bi̱wuti̱mu n ti bi̱duum ni̱bu kunni̱mu n ti kuli̱mu n ti ni̱bu dukani̱mu n ti bi̱kami kwang ka̱biyu n ti bi̱bu n ke ka̱bimu, a laiyana ti̱kunni n ti wureni.