Popular Bible Verses from Dwakam 21

Share

N ki̱n ka musu chimi̱n ti̱mwenitu we nuiyi chiyi kwang. A ne ya̱m bwamu we n ti wiiniyu n ti furi ki̱linu n ti burangu. Kwa̱li̱n chi̱n di̱du feredinu a su.”

N ki̱n wu a swe a ki̱di̱ng mati̱nange a yi ko, “Mang Mai kanang ti̱ti̱le chiye ti̱fwi! Yinu a yiti̱n ko, mwalmwale, ya̱m bi̱bu bi̱yili̱m ka fwedu.”

Yinu n nwe ker di̱dun a chire we ki̱di̱ng mati̱nangu ko, “Ki̱ka̱ngu n Kwama ka swedu ware n ti ni̱bu, n ki̱n ka swedu n ti chi, n chi ka kau ni̱bu ki̱m, yinu n ki̱n n ki̱fwan kanodu ware n ti chi, n ki̱n nang Kwama chi.

Yinu a yiko, “A ri. M mi̱n nang mweki̱ku n ti swangki̱ku. M mwe kanang ti̱ti̱le chiye, mang swanti̱ kanang ti̱ti̱le chiye.

Wu ka chau ki̱la ki̱ni fakware ka chau kula wu, mang kau Teki̱n n ki̱n ka kau bwemi.

Aya bi̱bu a dumi̱n di̱ne tayimu n ti bi̱bu a kebu bi̱yili̱mi̱mu n ti bi̱bu ki̱seta yiimu, n ti bi̱bu ki̱chi̱be ni̱bumu n ti bi̱bu ki̱ma ti̱kulimu n ti ribi̱bu n ti bi̱bu ki̱si di̱yor n ti bi̱bu ki̱mwera ti̱kwanimu n chi kwang ka le ki̱rang ki̱kwanangu. Wu nang bwa wurobe.”

Yinu n ku dii wufwiye n ti ti̱m bi̱fwim. Di̱ne dii wuka̱re n ti ti̱m bi̱ka̱ri̱mu a twiyan. Laati kwang a twiya ti̱n.

N ku Wurchalima wufwiye, bi̱n Kwamanu a chire we dii ki̱suwedu. A dosan yinang na kwiye wu a do yikiyu keki̱ tekan n ti kwarta ko.

Bi̱n di̱du a mabu nangangu ki̱ni kuko ka swange, di̱ne dwiyen Kwamatu a kau ki̱yyiye. Aya Be Kwane a kau kiye ko. Kuuti ti̱ti̱niyu ka yadu we yiiku kangu, mati̱m ti̱ti̱nimu ka be bi̱n di̱du mi̱nedu ki̱ni kuli chitu.