Popular Bible Verses from Dwakam 16

Share

“Ti̱da̱ng mi̱n bedu yinang daaku. Ni̱bu delaki̱m bi̱bu a swe ki̱ma ki̱yolang beki̱ mangi̱mu. Bi̱bu a yo kuli̱n chi̱nu ki̱dwan ko ke yayu a be kadu wu twatwadu ki̱ni dibwiye we.”

Wunukune naba di̱tumbi̱ri a kur chi a wuko kwa̱se a nabwe laa wuduwe Yufi̱ritise. Ti̱tu a yo mwe la a ku a do wa̱re wu mati̱m bi̱bu a ti̱nti yiyu a twa̱ri̱mu ka sudu ka yikan ki̱twale ki̱ni ni̱bu ki̱rang chime.

Ki̱fi̱bti yibwilayu nang ki̱fi̱btiyu a ma chi ya̱r yiiyu. N chi a ti̱ran we mati̱m ti̱ti̱nimu ki̱ni kwang, ka mur chiyedu di̱ne kunnu a di ki̱fwini wubwila Kwama naba dukane kwange.

Ki̱la n ku ki̱fi̱bti yiyu a lebi̱lei yinang ki̱natatikuli. Wuka ki̱chiredu a yii soo, wuka a yii nam we, wuka a yii fa̱kubu ti̱kwanimu.

Ki̱rang ki̱ku ka twi ni̱bu bi̱bwilamu, n chi a fwara ya̱mi swa̱ba ku we dur Kwamang wu a tau bwini chiyi kwange. Aya n chi a wobu ki̱ti̱m, a niti̱bu Kwama dwiyentu.

We ni̱bu bi̱bu, wukakke naba di̱tumbi̱re Kwama a ya, a kur ki̱fwini Kwama wu a kwa̱se ko a ti̱ti̱ni. Bumbi ti̱tu ki̱ni swa̱le a chire we bwiti ni̱bu bi̱bu a yiu di̱mwal nam wunu n ti bi̱bu ki̱ sii ti̱n ki̱wulang kangi̱mu.

Ki̱fi̱bti yibwilayu a mur mati̱mu ki̱ni kwang n ti ni̱bu ki̱rang chimu a fi ni̱bu Yafudam ki̱yalu ko Amekidon.