Popular Bible Verses from Dwakam 14

Share

Yinu a nwe ker a chire a dii ko, “Mwal mwi ni̱bu delaki̱m bi̱bu a bwamu, bi̱bu ki̱bwadu a di̱n Tewuduwe mu, a tatuwe ki̱ka̱ngu a ne fi̱rufi̱re!” Fi̱ki̱m a fwa ko, “Ki̱kumang, ka fi̱kadu we riye chi, nangi̱n chitu ka bunti̱ chi.”

Ti̱tu ki̱yungdu a mwintuwe, ni̱bu Kwamamu, ka mu ni̱ru we ti̱fumantu ki̱ni bwanu. N chi ka bunti̱ yili̱ntu, ka tidi ki̱ri̱ng we keku bi̱yili̱mang chiyangu a di̱n Yesunangu.

A fwa ki̱ni ker di̱dun ko, “Ti̱ni Kwama dwiyentu, dela ki̱n di̱ne ki̱swi mwatake a lam. Ti̱sii ki̱n wu a yo dii n ti ti̱mu n ti nabwe ti laatiyu n ti neti̱bwiye.”

A kuteng ki̱ku wuka naba di̱tumbi̱ri Kwama a bunte bi̱kaki̱mu ki̱fwadu ko, “Ka wuka ni a sii nam wu n ti ki̱wulang kangu yinu a yiuti̱ di̱mwar ki̱nu we ti ka̱be ka fa̱la̱nge, ni wuko ka le riye ki̱fwini Kwama, di̱ne ki̱fwini ko a kaiyan. N Kwama ka ni chi riye ki̱ni ki̱fi̱bti ben ki̱rangi we kakku ni̱bu ti̱tumbi̱ri bi̱bi wauwadi̱mu n ti Kwanu. Ywa̱nu ki̱chiredu we fi n chi ki̱nween riyenu a ne riduriye. Riye a ne swe bunge wuka di we bi̱bu a sii nam wu n ti ki̱wulang kangi̱mu n ti bi̱kami kwang bi̱bu a yiu ki̱kwai di̱n ki̱ni̱nu.”

Yinu n da̱ng, n ku Kwanu a ti a kun Siyona n ti ni̱bu kuniyu kuul ki̱ni wan taana chiri yana bi̱bu a mwal di̱n Be Kwanenu n ti di̱n Te ki̱ni̱nu we ti ka̱be chi.

N ki̱la, n ku wuka naba di̱tumbi̱ri Kwama ki̱yadu we twiye yinang ki̱ka̱le, ki̱ni di̱mwar ya̱m bi̱li̱m ki̱diya kwadi̱m, be ka fwa ni̱bu a ti̱ti̱nimu n ti ki̱dum ni̱bi̱mu n ti kuuti, n ti yiiniyu n ti ti̱ntiyu.

Wuka naba di̱tumbi̱ri Kwama a nabe wukakke ko, “A yar! Babila bi̱n di̱dunu a yar! N ki̱n a yo kuuti a no mwe yinabi a lwe bwitiyu di̱ne nabwe ti̱bwitan yari kite!”