Popular Bible Verses from Dwakam 11

Share

Naba di̱tumbi̱re Kwama wu nibine a ku wuko sum. Ti̱kan kebi̱ ki̱ni dukan a chire we bwadi ki̱fwadu ko, “Dukan mati̱nu a ti̱ti̱ni ki̱ka̱ngi̱nu n ti̱u Tewuduwe chire n ti Masiya ka ma mati̱ntu ki̱diya kwadu!”

Kuu ni̱bu a yimbu Kwamamu a ri ki̱ni ki̱fwini, Aya ki̱ka̱ngu, ki̱swi ki̱fwinimo a lam Ki̱swi a lam wu mwang kaba bi̱bwari̱mu mi̱nde, Fa̱kubu mumu ka ya sure chi, n ti ni̱bu bunti̱ki̱mu a nwe tayi mwiyumu. Seli̱bu n ti bwesi̱m ki̱swi a be wu ka chi̱be bi̱bu a chi̱u ti̱ti̱nimu!”

Mang tum ni̱bu mi̱mi burau yaka ma fa̱kui di̱mwar ya̱m bi̱yili̱m mi̱mi siini̱mu. N chi ka do kuli̱n furi ki̱lin ka ma di̱mwar mi̱nu we ditiyu kuneng ki̱ni kuuliti turau ki̱ni wan turukun.

Aya we kuteng ditiyi yitta ki̱ni di̱mwatariyu, fi̱ki̱m chitu a ki̱latewe bwa di̱Kwama, ka le bwi chiyu, ka kunu ka tidutiye. Tayi yidui ka tau ni̱bu nabwen bi̱bu a ku chimu.

A ni chi dukanu ka yinge twiye ke a swidu mwe we diti yikiyu n chi ki̱ma di̱mwar mi̱niyu. N chi ki̱ni dukan we neti̱bwiyu, ka sutedu ka kau ki̱tuum. N chi ki̱ni da ka yo di̱kume ka bulma ti̱ti̱nitu we ki̱dangu n chi ki̱badangu.

Ni̱bu di̱mwari̱m bi̱bu nang tini setuniye yurabiyu n ti fitilati yurau a ti̱ya a kakku Tewuduwe. Ka bi̱kam ki̱baddu ka nwe chimi̱nde, ki̱rang ki̱chiredu we yii ki̱chati̱ bi̱ki̱mu. Nang tiyangu ni̱bu ki̱baddu ka chi̱u chini̱mu ka bwaradangu.