Popular Bible Verses from Nangi̱n Fandubi̱m 2

Share

M Biti̱r a yi chi ko, “Ti̱wo ki̱ti̱m, n kawure a ma batisma a di̱n Yesu Masiya ke a ya duku ki̱letiyangu. Yinu ta ya ki̱li̱mang Fi̱ki̱m Kwamam.

N Chi a chakakku ki̱ni yungku fandubu, ki̱chau chitu a fiwiine ki̱ lweka ti̱nu a fiwiine we twa̱ba̱ku.

N chi a rii ki̱ni Fi̱ki̱m Kwamamu, a mwe ki̱fwa ya̱miyu ki̱ni yikai yiini, yinangu Fi̱ki̱mu a ni kawure ki̱ti̱me ya̱mengu.

Bi̱nabi̱na di̱kan ker a chire a bwa diye yinang si̱ki̱n di̱dun a ri lo ki̱ni kwang, finu n chi ki̱sweende. Yinu n chi a ku ti̱kan chi yinang ben ki̱rangin a keran a sub we dur ka nang wuwule niye. N chi a rii ki̱ni Fi̱ki̱m Kwamamu, a mwe ki̱fwa ya̱miyu ki̱ni yikai yiini, yinangu Fi̱ki̱mu a ni kawure ki̱ti̱me ya̱mengu.

Ka wuwule diye, n chi ki̱muradu we Kan Kwamana Wurchalimanu, ki̱dwa̱ka ki̱danniyu ki̱nikadu we loniyu, ki̱chadu ki̱noti̱nu ki̱ni furi mwen, n ti delaki̱ Kwama. N chi ki̱ni wule we ni̱bi kwang. Kanang wuwule diye n Tewuduwe ki̱su chimi̱n ni̱bu ka suku bi̱bu ki̱wo ki̱ti̱mi̱mu.

N Kwama a yi ko, we diti swan kuteyu, “Mang kure Fi̱ki̱m we ni̱bi kwang, Bi̱bari̱m chimu n ti bi̱wuti̱mu ka mwa ya̱m mi̱mu. Kal tayon chi̱nu ka ma dwakam bi̱bu a chire a di̱Kwamam. Yinu seli̱bu chimu ka ma fa̱kui a dwakam.”

Ni̱bu bunti̱ki̱mu a ke bi̱yili̱mi kwang a swe a fi wiine, ki̱kunkadu, ki̱kerati̱ chitu n chi a yaatu a fiwiine. N chi a feku kuli chitu n ti kuli̱n chi̱nu, a ni ka nang wuwule niiye yinangu kawure ki̱bandangu.

Yinu ka nang wuwule niye wu ka yalu we di̱n Tewuduwe ne, ka ya yuki̱ku.

Yinu dii ka kadi ki̱li Swangu ka kadi wur yinang ki̱tuum, Ka lami̱nti̱ di ki̱lake Tewuduwe, di wuduwe Kwama.