Popular Bible Verses from 2 Koronti 5

Share

Di̱ne yiko, ka nii a kau wu Masiya, n ki̱n a kau wu fwiye ni, da bwiye a suu, ka ti̱ti̱le chiye a kau ti̱fwi.

N Masiya a manbi̱ ki̱le we, aya di̱ne chiniye n Kwama a mar ki̱n yinang naba ki̱le. We yiko, ke ni kau ni̱bu yilem we di̱Kwama a di̱Masiya.

Nangki̱n, ni̱n ma da wu a yo ni̱re, n ke chi ni kudi.

Chi ti̱fwi ti̱ti kwang ki̱bedu a Kwama, wu a do tibe ko n ti chi̱ni a di̱Masiya, n ki̱n a ni chi̱ni nangang ki̱ku a doku ni̱bang n ti Kwama. Ya̱mu nang bi̱bu. N Kwama ki̱doka ni̱bi kwang a di̱Masiya. A kibu ko wuka a no ma ki̱le. N Kwama a du nimi̱n di̱si̱n di̱du a dokaku ni̱bangu n ti ki̱nangu.

Di̱ne yiko, n chi̱ni Bi̱yori̱m Yesu Masiya, a tiwe yinangu n Kwama n ki̱fwan ki̱fwa ya̱mu a di̱chi̱niye. Ni̱n wana chi̱nu we di̱n Masiyanu, ti̱do bwi n ti Kwama ti̱kau fati̱bu ki̱m n ke bi̱bu ki̱kwila chi n ti ki̱ni̱m.

N ki̱n a bwa di̱ne ni̱bi kwang, di̱ne ke bi̱bu ki̱ni ti̱kuri ti̱fwimu, a madu fiswe wu da bwiye we bwa kakke, aya a ma fiswe di̱ne wu a bwa di̱ne chiye, ti̱nti̱ne wu a kun we furu di̱ne chiye. Di̱ne yiko, bwa kakke a ne da̱ngku niyang we ki̱ni ki̱swi ni̱bu ki̱da̱ngi̱n niye we yinang wa ti̱ti̱niye. Di̱ne kasi ki̱ku m Masiya a ya da̱ngki̱ ki̱ka̱ngu, ki̱ka̱ngu ya̱mu a ri a ne nang wi ti̱nuwe.

Chitu ni̱n maditi kwang n ke di̱ne ta̱ma̱ng nang, aya mi̱laku Masiyangu a ti nimi̱n kakku. Yo nang ke bi̱yili̱mu ko Masiya a bwa di̱ne ni̱bi kwange, ni̱bi kwang a bwa ware n ti ki̱n ti̱n.