Popular Bible Verses from 1 Biti̱re 2

Share

Aya n ti̱n bi̱suti̱ri̱m ni̱bu, n ti̱n kwa̱l fanseti bi̱u Mai Wuduwemu. N ti̱n kuu wu yi wawadu, ni̱bu Kwamam, wu a sutu chi̱n ke ti̱ma di̱mwar nangang Kwamang. N ki̱n a yal chi̱n we ki̱liye, ke ti̱ le yiiku kangu ka ya̱r yiiyangu.

N ki̱n ki̱fwan a da̱u ki̱leti chireyu we bwikiyu yo ni̱bu a kuka ki̱n a ki̱tiyang bwange. A ma yiko ke we bwako ke ni du ki̱leti chireyu ni kau ni̱bu yilem. We bunbi kitu ti̱ya beku. Feredi a no ti̱le we wa̱re yinang kwanti, aya ki̱ka̱ngu ti̱ki̱lawe bwa Naba Toke, wu ki̱to ti̱kuri chi̱ne.

Yo ferediye, n ti̱n a no n ke ni̱bu Kwamam, aya ki̱ka̱ngu n ti̱n ni̱bu ki̱m, yo no ferediye n Kwama a nwebu ki̱bune chi̱n, aya ki̱ka̱ngu ti̱ya ki̱buneko.

Yinang bwesi̱m ki̱lwim bi̱bu ki̱bau ka̱rku yaran, n ti̱n ti̱ bati̱ ya̱m Kwamami yiko, ke ti̱dwiyen yinu ta yati̱ yuku.

Kebu bi̱bu mi̱n mi̱ladi̱m, mi̱n wana chi̱nu, n ti̱n ni̱bu kuum we ti̱ti̱nitu, n ti̱n ti̱ newe ki̱ni lo we fi, ti̱du kubeki̱ku a bwiyangu chi ki̱ma kati̱n n ti ni̱r chi̱ne. Ti̱kabi ki̱ni da wuyile we kuu ni̱bu bi̱bu a yimbu Kwamamu ke yo n chi ki̱mar ki̱mwa̱rang changu ko ti̱ma chi ti̱bwilai, di̱ne nangi̱n ti̱yili chi̱ntu n chi ki̱kuditu, n chi ka ki̱ladu kani̱n dela Kwama we Di ki̱lake ko.

N ti̱n, ti̱n ti̱kau yinang kali yikuri, yiyu ni̱bu ki̱ma nangangi ki̱n ke a mu duum kan Kwaman da Fi̱ki̱mi Wauwadi̱m. Finu tani̱n ma ki̱mi̱n nangangu yinang kwa̱l fanseti wauwadi. Ta ni̱n ma ki̱mi̱n niku ki̱tumang duum bi̱bu a Fi̱ki̱m n Kwama ki̱ baddi̱mu a di̱Yesu Masiya.

Di̱ne yiko, ti̱du ka ti̱ti̱le chi ti̱bwilaiye, n ti̱ ti̱kwanitu, n ti di̱bebelin, n ti kati̱ntu, n ti ka ti̱ti̱le ki̱duum ti̱turane.

Ti̱be bwa di̱Masiya, wu n ki̱n yinang kale ti̱kuriye, wu ni̱bu a ko, aya n Kwama a sutu ki̱n a ni ki̱n dwiyentu.

Ti̱ma fiswe wu a ni̱bu a ya tuki̱m, ti̱kedu da ta ya a yodu ti̱ tundu bwila we, aya ti̱ ya yayu wu ka yungdu n ti̱n ka̱bi Kwamai.

Nang ki̱ke Kwama ka ti̱tum daati yiyiliye, ta yinge yiini ni̱biyu we ya̱mi yikusiyu a no dabu ni̱bu kani̱n fwaradu a dutu chinte a kwalan swaanke chi.