Popular Bible Verses from Roma 11

Share

Ya gubin ban’en me ir e sunumiy, ma gubin ban’en ni ir e yib rok me ir e fan ngak. I Got e ngu’un tayfan ndariy n’umngin nap’an! Amen.

Rib ga’ e fla’ab rok Got! Ma rib to’ar e gonop rok nge llowan’ rok! Mini’ e rayag ni nge weliy rogon nma turguy Got ban’en? Mini’ e manang rogon kanawo’en nma maruwel?

Ni bod ni be yog e babyor nib thothup ni be ga’ar: “Mini’ e manang laniyan’ Somol? Mini’ e rayag rok ni nge fonownag?

Ere ku errogon e ngiyal’ney: bay bochu’uw e girdi’ nike mel’egrad Got, ni bochan e runguy rok. I mel’egrad ni bochan e be runguyrad, ma gathi bochan e n’en ni kar ngongliyed. Ya fa’an mang e ma mel’eg Got e girdi’ ni bochan e n’en ni kar ngongliyed, me ere runguy rok e dabi aw nreb e runguy nib riyul’.

Boch i papa’ngin fare ke gek’iy ni olive nni yung e kan t’ar kan n’ag, ma kan fek pa’ngin ba kaen e gek’iy ni olive nda ni yung kan puthuy ngay. Ere gimed e pi’in gathi gimed piyu Israel e gimed bod e re ke gek’iy nem ni olive nda ni yung, chiney e kam gelngiyed gelngin piyu Israel nge tin ni bfel’ nike pi’ Got ngorad. Aram fan nthingar dab mu darifannag e pi’in yad bod fapi papa’ngin fare ke gek’iy ni kan t’ar kan n’ag. Ra di’in me tolangan’um? Ya gur e kemus ni gab pa’ngin; ma gathi gur e ga be chibiy lik’ngin, ya lik’ngin e ir e be chibiyem.