Popular Bible Verses from Joshua 1

Share

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”

Thangri dab mu pag talin fare babyor ko Motochiyel, thingar um fil ni rran nge nep’, ma ngam guy rogon ngu’um rin’ urngin ban’en ni bay riy ni kan yoloy. Ma aram e ra fel’ rogom ma ga ra man’og.

Machane mu par ni gab gel, mar dab mu rus, ma ngam guy rogon ni ngu’um fol u urngin fapi Morochiyel ni pi’ e tapigpig rog i Moses ngom. Dab mpag bochiyang riy ma aram e demturug e gin’en ni ga ra yan ngay ma rayag rom e tin ga be muruwliy.

Joshua, dariy be’ nrayag rok ni nge gel ngom u n’umngin nap’an e yafos rom. Bay gu un ngom ni bod rogon ni ug un ngak Moses. Mar dab gu pagem.

Mu par ni gab gel ma dab mu rus, ya gur e bay mu pow’iy e pi girdi’ ney nge yag ngorad e re nam nem, ni ir e gog ngak pi chitamangirad ni bay gu pi’ ngorad.

Ni bod ni gog ngak Moses, ni kug pi’ ngomed e girdi’ rog ga’ngin fare nam ni bay mmarod u daken.

“Tapigpig rog i Moses e ke yim’. Ere mfal’eg rogom e chiney, ni gur nge urngin e girdi’ nu Israel, ngam th’abed e lul’ ni Jordan ngam marod ngalan fare nam ni ir e nggu pi’ ngomed.

Nap’an ni yim’ Moses ni tapigpig rok SOMOL, me ga’ar SOMOL ngak Joshua, ni ir e i ayuweg Moses ko maruwel, me Nun e chitamngin

Ma mathil romed e yan i mus ko fa gi ted ni desert ni bay u lan e yimuch me yan i mada’ ko fapi Burey nu Lebanon ni bay ngalan e lel’och; me tabab ko fare lul’ ni ba ga’ ni Eufrates fithingan ni bay ko ngek, nge ga’ngin yang e nam rok e pi Hittite nge yib i mus ko fare gi Day ni Mediterranean ni bay ko ngal.

Demturug e tin ga ra yog ma en nra togopluw ngay ara de fol riy e ngan li’ ngem’. Ere mu par ni ga ba gel ma dab mu rus!”

“Mmarod u lan e gin’ey ni kad n’ufed e pi tent rodad riy nge lungumed ngak e girdi’, ‘Mu fal’eged rogon e chugum romed, ya ka dalip e rran ma aram e ngam th’abed e lul’ ni Jordan nga ba’nem ngam koled fare nam ni bayi pi’ SOMOL ni Got romed ngomed.’”