Popular Bible Verses from Deuteronomy 5

Share

“‘Mu liyorgad ko chitamangimed nge chitiningimed, ni bod ni Gag SOMOL ni Got romed e kug taychilen ni ngam rin’ed’, ya nge par ni ngi i fel’ wa’athmed ma ku arrogon ni ngki n’uw nap’med u lan tafenmed ni kug pi’ ngomed.

Mu folgad riy ni gubin, ya ngu’um pired ni bfel’ rogomed mu’um pired u lan fare nam ni bay mu tafned nge n’uw nap’an.

Dab mu siro’gad nga ba liyos ara um tedfan, ya Gag SOMOL ni Got romed e dab gu pag yug reb e kan nge tagenging ngog. Ma pi’in yad be fanenikayeg e gu ra gechig nagrad nge pifakrad nge yan i mada’ ko bin dalip nge aningeg e mfen. Machane pi’in gu bt’uf rorad ma yad ma fol ko pi motochiyel rog e bay gu dag e t’ufeg rog ngorad ni bokum biyu’ e mfen.

“‘Dab mu ngongliyed ya’an ban’en u tharmiy ara u daken e fayleng fa fithik’ e ran u tan e but’ ni fan ngomed.

“‘Dariy reb e got ni ngam mon’eged rog.

“‘Dab mogned fithingag ni fan ko tin kireb, ya Gag fare SOMOL ni Got romed, e gu ra gechignag demturug be’ ni dariyfannag fithingag.

Mang e yigi i par lanin’rad ni arrogon ni gubin ngiyal’! Mang e yigi par madgug u wun’rad ni gubin ngiyal’ miyad be fol u gubin e tin kugog ngorad ni ngar rin’ed, nge yag ni ur pired nge pi’in owcharad ni bfel’ rogorad ndariy n’umngin nap’an.

“‘Mu ayuweged e rran ni Sabbath ngam ted nib thothup, ni bod ni Gag SOMOL ni Got romed e kug taychilen ngomed.

“‘Dab mu chogownag le’engin be’ nib mo’on; dab mu chogownag e naun rok, fa binaw rok, fa sib rok, fa garbaw rok, fa gamanman rok ni dongki, fa demturug ban’en nib milfan ngak.

“‘Dab mu pirew be’ ni gathi mabgol rom.

“‘Dab mu t’ar e thin nga daken be’.

“‘Dab mu li’ be’ ngem’.

“‘Dab mmoro’ro’.

Ngi i par u wun’med ni um moyed ni gimed e sib u Egypt, me Gag SOMOL ni Got romed e gu lagmed u gelngig nib ga’ mab gel. Aram fan ni kug taychilen ngomed ni ngam tedfan e re rran ney ni Sabbath.

Nel’ e rran ni ngam marwelgad riy, ma bin medlip e rran e yaran e toffan ni kam ogniged ngog. Rofen nem e dariy be’ ni nge maruwel — ni gimed, pifakmed, sib romed, gamanman romed, nge ku girdi’ nu bang nma par u lan e nam romed. Pi sib romed e thingar ra toffan gad ni bod gimed.

‘I gag fare SOMOL ni Got romed, e gu fekmed nga wuru’ yu Egypt, ko gin ni um sibgad riy.