Popular Bible Verses from Injil 27: Zaira Kalam 3

Share

Zano ni, ami duaror gese ubaia duaro ṭukairam. Amar golar aoaz hunia zudi keu tar duar kulia dey, te ami tar bitre hamaimu, tar loge ḳana-dana ḳaimu ar he-o amar loge ḳana-dana ḳaibo.

Tumrar ḳam-ḳazor ḳota to ami zani. Tumra oilae na ṭanḍa, na gorom. Tumra hoy ṭanḍa na oy gorom oile bala oilo one. Oile tumra to umli gorom, na ṭanḍa, na gorom, erlagi ami amar mukor sefor laḳan tu ḳori tumrare falai dimu.

Huno, ami zerare maya ḳori, tarar dush-tiruti deḳai dei ar shashon-o ḳori. Erlagi tumra umli gorom taki fura gorom oia touba ḳoro.

Ami to tumrar ḳam-ḳaz zani. Huno, ami tumrar samne ekḳan duar kula raḳlam, ikan bond ḳorar ḳemota ḳeuror nai. Ami to zani, tumra kub ḳomzur, erbade-o tumra amar hukum amol ḳorso ar amare oshikar ḳorso na.

Ami zela joyi oia amar gaibi bafor loge tan fobitro arshor kursit boisi, ṭik ou laḳan ze zon joyi oibo, tare-o ami amar loge amar kursit boar odikar dimu.

Tumra to ḳoirae, tumra bout doni, tumra boṛoluk oigeso, erlagi tumrar kuntar obab nai. Ita kub bala ḳota, oile ashole to tumra buzrae na, tumra kub duki, ḳangal, gorib, anda ar lemṭa aso.

Tumrare sobor ḳorar lagi ami ze hukum dislam ita tumra mancho; erlagi i duniar ufre mosibotor ze shomoy aia azer, hou shomoy taki ami tumrare hefazot ḳormu. Duniar manshore forikka ḳorar lagi ou mosibotor shomoy aibo.

Huno, ami kub zoldi airam. Tumrar zeta ase otare mozbut ḳori doria raḳo, zate tumrar joyor mala ḳeu ḳaṛia nito na fare.

Tumra hozag oia uṭo, ar bad-baki zotota morar foti oigese, itare bol zugao. Huno, amar Allar samne tumrar ekḳan ḳam-o ami shoṭik deḳsi na.