Popular Bible Verses from Zobur Shorif 40

Share

Sobor ḳoria sai roislam amar Allar lagi, kial ḳori tain zuaf dila amar foriad huni. Golaima gaṛa taki tulia anla more, feḳor gator moron doshat basaila amare. Amar faore bor deoaila fattoror ufor, shokto maṭit ṭai zugaila amar dui faor.

Zugai dila amar muko noya gozol tan, oḳon ami gai amar Allar gunogan. Deḳbo ita bout zone, dekia ḍoraibo, teu tara Allar ufre iman anibo.

Doinno ḳali hou bonda, Mabud-u zar ṭikana, bul fote gia zetae ḳore boṛai-gorima, itar baedi he to firia-o sae na.

ogo amar Alla, ami kushi tumar morzi furone, hokkol hukum gata amar dilor bitre.

O Mabud! Bond ḳorio na mor lagi tumar rohomotor duar, tumar doya ar hok ouk mor siroḳalor ḳanḍar.