Popular Bible Verses from Injil 1: Moti 26

Share

Hozag ro dua ḳorar lagi, ar dua ḳoro forikka taki basar lagi. Tumrar dilor maze nisoy kial ase, oile ḳaya to ḳomzur.”

Tain erare ḳoila, “Baiainre, duke amar ḳoilja faṭizar. Tumra ono boiro ar amar loge hozag roio.”

Oḳan ḳoia tuṛa horia gia tain maṭit soizdat foṛia ḳoila, “O amar behesti abba, amar ufre ou ze zulum-mosibot aior, dusra kunu ufae taḳle ikanta horailao. Oile ita amar ichchae nae, tumar morzi mafik-u ouk.”

Mono ḳorio, ita amar lou. Ou lour zoriae adom zatir boutor guna mafi oibo. Allar loge manshor milonor usilla oilo ou lou.

Tara ḳana ḳaira, ou shomoy Isae ruṭi ato loia Allar shukria adae ḳorla. Tain ruṭi siṛia ṭukra ṭukra ḳori sahabi oḳolre dila. Dia ḳoila, “Ou neo, ḳao, mono ḳoro ita amar ḳaya.”

Bade tain shorbotor fiala loia Allar shukria zanaila, ar erare dia ḳoila, “Tumra hoḳole ou fiala taki anguror shorbot ḳao.

Soizda taki uṭia tain sahabi oḳlor gese aia deḳla, era gumai gesoin. Ou tain Fitorre hozag kori koila, “Tumra ekkan gonṭa-o hozag roitae farlae na ni?

Ami hasa ḳota ḳoiar, ami amar gaibi bafor bashshait dakil oia hari, tumrare loge loia zotodin noya halote anguror shorbot na ḳaisi, oto din i shorbot ar ḳaitam nae.”

Oḳan ḳoite-u murgae bang dilailo. Bang hunte-u Fitoror mono oigelo, Isae age ḳoisla, “Murgae bang dibar age-u tumi tinbar ḳoibae, tumi amare sino na.” Erlagi tain bare gia au au ḳori kandon dorla.

Uṭo, amra roana dei. Amare zegie dushmonor ato dorai dibo, he aia azigese.”

Teu Isae enre ḳoila, “Tumar toluar bego harailao. Toluardi zara ḳelae, toluaror tole-u tarar zan zae.