Popular Bible Verses from Tourat 3: Lebian 19

Share

Nizor zatir manshor bodla loio na, tarar bae zid-ingshar bab monor maze gatia rakio na. Ari-forire tumar nizor laḳan maya ḳorio. Ami-u to Mabud.

Murdar lagi ahazari korat gia nizor shorilo zoḳom ḳorio na. Gotror maze kunuzat saf-sobi akio na. Ami-u to Mabud.

“Tumi hoḳol Boni Israilre ḳo, ami tumrar Mabud Alla to fak-fobitro, erlagi tumra-o fak-fobitro o.

“Afon ari-forir bae ingsha-dushmonir bab monor maze gatia rakio na. Tar oforad tare buzai dio, teu tar gunar bar tumar ufre aito nae.

“Zinnat ba ferot shadok, gonoḳ ba zadu-ṭuna ḳorrar gese zaio na, itar loge mishio na. Arnae itae tumrare nafak banailiba. Mono rakio, ami Alla-u tumrar Mabud.

Manshor bodnam gaia gaia gurio na, kunu manshor zanor ḳeti oy, ila kunu ḳam ḳorio na. Ami-u to Mabud.