Popular Bible Verses from Tourat 1: Foyda Nama 50

Share

Tumra to amar ḳeti kortae saislae, oile Allae itare balai banailla, zela aiz deḳrae, te tan kial asil ou laḳan ḳori bout manshor zan basaita.

Oile Iusufe tarare ḳoila, “Tumra ḍoraio na. Ami kunu Allar ḳolifa ni?

Tumra oḳon ḍoraio na. Ami tumrare ar tumrar fua-fuṛintore deḳa-huna ḳormu.” Tain ou laḳan ḳori tarare buz dila ar kush dile mat-ḳota matila.

tumra Iusufre ou ḳotaḳan ḳoio, tumar baiainte tumar zeta ḳeti korsoin, doya ḳori tumi tarar hi oinnae ar guna maf ḳori dio. Erlagi amra minot ḳoriar, tumar bafor Allar ou gulam oḳolre maf ḳori dilao.” Tarar mat hunia Iusufor ḳandon aillo.

Bade Iusufe tan baiaintore ḳoila, “Amar to moutor oḳt aichche, nisoy Allae tumrar bae nozor raḳba. Tain Ibrahim, Isʼhak ar Iakubor gese ze desh dita ḳori kosom ḳorsoin, tumrare on taki hou desho loia zaiba.”

Ar Iusufe Boni Israilre ou osiot ḳoraila, “Nisoy Allae kunudin tumrar bae nozor ḳorba. Te on taki zaoar bala tumra amar aḍḍi oḳol tulia loia zaio.”

Heshe eḳ-sho dosh boros boyosho Iusuf mara gela. Teu manshe tan lashre kushbu-mosholadi makia momi banaia Mishor desho ek kafonor baksor bitre toila.