Popular Bible Verses from Tourat 2: Hizrot 20

Share

“O Boni Israil oḳol, ami Alla-u tumrar Mabud. Mishor deshor gulami taki ami-u tumrare ḳalas ḳori anchi. “Amar bodla tumra dusra kunu devta manio na.

“Puja ḳorar kiale tumra kunu murti banaio na, asman, zomin ba fanir tole zotota ase, ita kunutar surote murti banaio na. Tumra itar puja ḳorio na, itar sheba-zoton ḳorio na. Mono rakio, ami Alla to la-shorik Mabud, kunu shorik shoijjo ḳori na. Huno, amare zera mane na, ami tarar gunar shaza dei, tarar tin-sair siṛi forzonto shaza dei.

“Tumrar ma-bafre ijjot ḳorio. Teu tumrar Mabud Allae ze desh diba, hou desho tumrar hayati baṛibo.

“Iad ḳoria Zummabarre fobitro din manio.

“Beḳama kunu ḳarone tumrar Mabud Allar nam muko loio na. Ḳeu zudi kamoḳa Mabudor nam loy, te kunumonte-u amar shaza taki rehai faito nae.

Haftar soydin tumra ḳam-ḳaz ḳorio, tumrar dorḳari hoḳol ḳam shario. Oile shat nombor din oilo Zummabar, tumar Mabud Allar name ziraibar din. I din tumi, tumar fua-fuṛin, tumar gulam-bandin, tumar foshur fal, tumar gaut ba ṭauno roura musafir ba bin-deshi, ḳeu kunuzator ḳam-ḳaz ḳorio na.

“Foror gor-duaror bae lalos ḳorio na, tar bou, gulam-bandi, goru-gada, ba kunu kichchur bae lalos ḳorio na.”

“Ḳeuror birudde misa shakki dio na.

“Zina ḳorio na.

“Kun ḳorio na.

“Suri korio na.