Popular Bible Verses from Tourat 2: Hizrot 16

Share

Era duio zonor birudde Boni Israile ḳoila, “Haere hae, itar ḳotae amra ḳene ailam, Mabude ḳene nizor ate amrare Mishor desho marla na? Hi shomoy amra gustor ḍegor ḳandat boitam, feṭ boria gust-ruṭi kaitam, oile itae amrare ufashe ar feṭor buke marta ḳori ono anchoin.” Ikan hunia Mabude Musare ḳoila, “Ami tarare forikka ḳoria deḳmu, tara amar niom-ḳanun manoin ki na. Ami tumrar ḳani megor zoṛir laḳan asman taki zomino saṛimu. Manshe baire aia haftar forteḳ dinor ḳani forti din tulia niba.

Ou shomoy tamam Boni Israile Musa ar Harunor birudde ḳana-ḳani lagaila.

Musae tarare ḳoila, “Mabude hainja bala tumrare gust diba, ar biane feṭ bora ruṭi-o diba. Mabudor birudde tumra zeta ḳana-ḳani korso, ita tain hunchoin. Ashole amra duizon kita zen, tumra amrar birudde otota matirae? I mat to amrar birudde nae, tumra Mabudor birudde-u matirae.”

“Ami Boni Israilor hokkol mat-ḳota hunchi. Oḳon tumi zanai deo, tara forteḳ din hainja bala ḳaiba gust ar biane ḳaiba feṭ bora ruṭi. Teu tara buzba, ami Alla-u tarar Mabud.”