Popular Bible Verses from Injil 5: Sahabi Nama 2

Share

Fitore zuaf dila, “Mon firaukka, afnara hoḳole gunar mafir lagi Isa al-Mosir name toubar gusol ḳoroukka, teu afnara dan hishabe Pak Ruhu faiba.

Tara sahabi oḳlor talim huna, tarar loge shorik oia al-Mosir mezbani kaoa, ar dua ḳorat hamesha ḳaim roita.

Teu tara hoḳole Pak Ruhe kamil oila, ar ruhur gaibi bole tara alog alog bashae matta lagla.

Ou shomoy asman taki tufanor laḳan eḳ aoaz oilo, tara ze goro boat asla i aoaze asta gor borigelo. Tara deḳla, aguinor lukkar laḳan kitar ṭukrain aise, ar i lukkain tara hoḳlor ufre aia boilo. Teu tara hoḳole Pak Ruhe kamil oila, ar ruhur gaibi bole tara alog alog bashae matta lagla.

Tara forteḳ din Baytul-Mukaddoso ekḳano milta, ar kushi oia eḳloge shorol mone goro goro gia ḳana-fina ḳorta. Tara Allar tarif ḳorat roita ar hokkol manshor mohobbotor manush oila. Zera nazat hasil ḳorta, Allae tarare-o ania dine dine erar loge shorik korta.

Allae formaira, aḳeri zomanat oula goṭbo, ami amar ruhu hokkolor maze bezimu; teu tumrar fua-fuṛinte nobir laḳan batuni mat matba, tumrar zuan oḳole gaibi alamotor deḳa faiba, murobbi oḳole kuab deḳba.

Hokkol imandar oḳol ekḳano roita ar zarzir dorḳari samana on taki nita. Tarar zomi-zoma don-doulot besia zar zela dorḳar oula baṭia dita.

Ar oulan oibo, zekunu manshe Mabudor name ḍakile, he nazat hasil ḳorbo.

Mabudor i mohan ar ḳas din aibar age, shuruz andair oizibo, sand lour laḳan oizibo.