Popular Bible Verses from Injil 8: 2-Korintia 4

Share

Soukdi zeta deḳa zae, amra to itar bae sairam na, borong zeta deḳa zae na, otar bae sairam. Souke zeta deḳa zae, ita to tuṛa ḳoydinor, oile zeta deḳa zae na, ita siroḳalor.

Erlagi amra nirash oi na. Zudio amrar roḳto-mangshor shoril koy oizar, tebou amrar ruhu din din taza oia uṭer. Oḳon amra ze ḳoydinor lagi shamainno ḳoshṭo ḳoriar, i koshṭor bodla amra siroḳalor lagi ofuronto shan-mohima lab ḳormu.

Hoḳolbae taki amrar ufre bout laḳan saf aile-o, amra surmar oisi na. Amra bedisha lagle-o furafur nirash oisi na. Amrar ufre zulum ḳora oile-o Allae to amrar log saṛsoin na. Maṭit falaia asaṛle-o amra binash oisi na.

Allai ou nuror don to maṭir bashono raḳa oise, ou bashon oilam amra-u. Maṭir bashono raḳa oise, zate manshe buzto fare ou kudroti mohashokti amrar nizor ges taki aise na, borong Allar ges taki-u aise.

Ou zogotor devta Iblise o-imandar oḳlor dilre anda banailise, zate tara kush-ḳobrir nur na deḳe. Ou kush-ḳobrir mazdi al-Mosir gourob zair oise, ar ou al-Mosi-u oila Allar obikol surot.

Amra ita toblig korram, ḳaron ze Allae ḳoisoin, “Andair taki for ouk,” hou Alla Pake tan nur amrar dilo zalaisoin, zate al-Mosir seharar maze Allar nuror mohima zair oy.