Popular Bible Verses from ইঞ্জিল ২৭: জাইরা কালাম 5

Share

আর তারা নয়া অউ গজল গাইলা, “খালি তুমিউ সঠিক জন অউ কিতাব খান নিবার, নিয়া এর সীল-চাপ্পড় খুলবার। তুমারে তো জানে মারা অইছিল। তুমি তুমার লউ দিয়া হক্কল খান্দান থাকি, আল্লার লাগি মানুষ খরিদ করছো। হক্কল জাতর বুলিয়ে মাতরা মানুষ, হকল দেশ আর জাতি থাকিও খালাছ করছো।

এরা জুরে জুরে অউ গজল কইলা, “যে মেড়া-বাইচ্চারে জবো করা অইছিল, এইনউ খেমতা, ধন-দৌলত, আখল, বল-শক্তি, ইজ্জত, গৌরব আর তারিফ পাওয়ার যোইগ্য।”

এরারে লইয়া তুমি এক বাদশাই কাইম করছো, আমরার আল্লার এবাদতির লাগি ইমাম বানাইছো, এরাউ আস্তা জগতো বাদশাই করবা।”

এরবাদে আমি হুনলাম, আছমানো, জমিনো, পাতালো আর দরিয়ার মাজে যত জানদার আছে, বা ইতার ভিতরে আরো যততা আছে, এরা হক্কলে অখান কইরা, “তখতর মাজে যেইন বওয়াত আছইন, তাইন আর অউ মেড়া-বাইচ্চার, তারিফ, ইজ্জত, গৌরব আর খেমতা হর-হামেশা জারি রউক।”

বাদে হউ মুরব্বি নেতা অকলর মাজর একজনে আমারে কইলা, “ওবা, কান্দিও না। হুনো, যেইন এহুদা খান্দানর সিংহ, দাউদ নবীর বংশধর, তাইন জিতিছইন। তাইন অউ সাতো সীল-চাপ্পড় ভাংগিয়া কিতাব খান খুলতা পারবা।”