Popular Bible Verses from আছমানি কিতাব: সুলাইমানি ছিল্লেখ 15

Share

নরম জুয়াপে গুছা কমায়, কড়া কথায় গুছা বাড়ায়।

মাবুদর ডরে গিয়ানর বায় টানে, নরম চাল-চলনে ইজ্জত আনে।

শিফা কররা জিফরা জিন্দেগি গাছর লাখান, ছল-চতুরির জিফরায় ভাংগে মানষর মনখান।

সু-পরামিশর অভাবে চিন্তা অয় বিফল, সু-পরামিশ দেওরা বাড়িলে অয় সফল।

দিলো খুশি থাকলে মুখ খুশ দেখায়, দিলো কষ্ট থাকলে মন ভাংগি যায়।

হক্কল জাগাত আছে মাবুদর নজর, যাচাই করইন ভালা-মন্দ হক্কলর।

অশান্তির মাজে বউত ধন থাকিয়া, মাবুদর ডর-খফে থুড়া ধনউ ভালা।

বদরাগিয়ে মাইরো ঘি ঢালে, কম-রাগিয়ে মাইর ঠান্ডা করে।

পরেজগারর দিল জুয়াপর আগে চিন্তা করে, নাফরমানর মুখদি খবিছি মাত বাইয়া পড়ে।