Popular Bible Verses from ꠁꠘ꠆ꠎꠤꠟ ৬: ꠞꠥꠝꠣꠘ 14

Share

ꠀꠟ꠆ꠟꠣꠞ ꠛꠣꠖꠡꠣꠁ ꠔ ꠈꠣꠟꠤ ꠈꠣꠘꠣ-ꠙꠤꠘꠣꠞ ꠟꠣꠉꠤ ꠘꠣꠄ, ꠛꠞꠋ ꠀꠟ꠆ꠟꠣꠁ ꠙꠣꠇ ꠞꠥꠢꠦ ꠖꠦꠅꠀ ꠙꠞꠦꠎꠉꠣꠞꠤ, ꠡꠣꠘ꠆ꠔꠤ ꠀꠞ ꠈꠥꠡꠤ-ꠛꠣꠡꠤꠞ ꠛꠦꠙꠣꠞ। ꠅꠃ ꠘꠝꠥꠘꠣꠄ ꠎꠦꠞꠣ ꠀꠟ-ꠝꠍꠤꠞ ꠈꠦꠎꠝꠔ ꠇꠞꠦ, ꠄꠞꠣꠞ ꠃꠙꠞꠦ ꠀꠟ꠆ꠟꠣ ꠈꠥꠡꠤ ꠕꠣꠇꠂꠘ, ꠀꠞ ꠝꠣꠘꠡꠦꠅ ꠜꠣꠟꠣ ꠙꠣꠁꠘ।

ꠇꠣꠞꠘ ꠀꠝꠞꠣ ꠎꠦꠛꠟꠣ ꠎꠤꠘ꠆ꠖꠣ ꠞꠁ, ꠈꠣꠟꠤ ꠝꠣꠟꠤꠇꠞ ꠟꠣꠉꠤꠃ ꠎꠤꠘ꠆ꠖꠣ ꠞꠁ, ꠀꠞ ꠎꠦꠛꠟꠣ ꠝꠞꠘ ꠅꠄ, ꠈꠣꠟꠤ ꠝꠣꠟꠤꠇꠞ ꠟꠣꠉꠤꠃ ꠝꠞꠘ ꠅꠄ। ꠔꠦ ꠀꠝꠞꠣ ꠎꠤꠘ꠆ꠖꠣ ꠞꠁꠟꠦꠅ ꠎꠦꠔꠣ, ꠝꠞꠟꠦꠅ ꠅꠔꠣ, ꠀꠝꠞꠣ ꠔ ꠝꠣꠟꠤꠇ ꠁꠍꠣꠞꠃ।

ꠄꠞꠟꠣꠉꠤ ꠀꠅ, ꠀꠝꠞꠣ ꠅꠟꠣ ꠇꠣꠝ ꠇꠞꠤ, ꠎꠦ ꠇꠣꠝꠦ ꠡꠣꠘ꠆ꠔꠤ ꠇꠣꠁꠝ ꠅꠄ, ꠎꠦ ꠇꠣꠝꠦ ꠄꠇꠦ-ꠅꠁꠘ꠆ꠘꠞꠦ ꠉꠠꠤꠀ ꠔꠥꠟꠔꠣꠝ ꠙꠣꠞꠤ।

ꠔꠦ ꠀꠅ, ꠅꠈꠘ ꠕꠣꠇꠤ ꠀꠝꠞꠣ ꠄꠇꠦ-ꠅꠁꠘ꠆ꠘꠞ ꠈꠥꠔ ꠗꠞꠣ ꠛꠘ꠆ꠖ ꠇꠞꠤ, ꠀꠞ ꠘꠤꠅꠔ ꠇꠞꠤ, ꠁꠟꠣ ꠇꠥꠘꠥ ꠇꠣꠝ ꠇꠞꠔꠣꠝ ꠘꠣꠄ, ꠎꠦ ꠇꠣꠝꠦ ꠀꠞꠇ ꠜꠣꠁꠞ ꠁꠝꠣꠘꠞ ꠈꠦꠔꠤ ꠅꠁꠛ, ꠛꠣ ꠔꠣꠞꠦ ꠉꠥꠘꠣꠞ ꠙꠕꠦ ꠘꠤꠛ।

ꠎꠦꠟꠣ ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ, ꠝꠣꠛꠥꠖꠦ ꠇꠁꠞꠣ, ꠀꠝꠣꠞ ꠘꠣꠝꠞ ꠇꠍꠝ ꠈꠣꠁꠀ ꠇꠁꠀꠞ, ꠢꠇꠟꠦꠃ ꠀꠝꠣꠞ ꠍꠣꠝꠘꠦ ꠀꠁꠀ ꠍꠁꠎꠖꠣ ꠇꠞꠛ, ꠙꠞꠔꠦꠇ ꠝꠥꠈꠦꠃ ꠡ꠆ꠛꠤꠇꠣꠞ ꠇꠞꠛ, ꠀꠝꠤꠃ ꠀꠟ꠆ꠟꠣ। ꠅꠘꠅ ꠖꠦꠈꠣ ꠎꠣꠄ, ꠀꠟ꠆ꠟꠣꠞ ꠖꠞꠛꠣꠞꠅ ꠀꠝꠞꠣ ꠙꠞꠔꠦꠇꠦꠃ ꠎꠣꠞꠎꠤꠞ ꠇꠣꠝꠞ ꠢꠤꠡꠣꠛ ꠖꠤꠔꠦ ꠅꠁꠛ।

ꠔꠥꠝꠞꠣꠞ ꠝꠣꠎꠞ ꠎꠦ ꠜꠣꠁ ꠁꠝꠣꠘꠦ ꠇꠝꠎꠥꠞ, ꠔꠣꠞꠦꠅ ꠀꠙꠘ ꠢꠤꠡꠣꠛꠦ ꠡꠝꠎꠅ, ꠔꠣꠞ ꠙꠍꠘ꠆ꠖ-ꠅꠙꠍꠘ꠆ꠖ ꠟꠁꠀ ꠔꠞ꠆ꠇꠣ-ꠔꠞ꠆ꠇꠤ ꠇꠞꠤꠅ ꠘꠣ।

ꠀꠞ ꠔꠥꠝꠣꠞꠦ ꠇꠦꠉꠤꠄ ꠈꠦꠝꠔꠣ ꠖꠤꠟ, ꠀꠞꠇ ꠛꠦꠐꠣꠞ ꠉꠥꠟꠣꠝꠞ ꠛꠤꠌꠣꠞ ꠇꠞꠔꠣꠄ? ꠢꠦ ꠑꠤꠇ ꠙꠕꠦ ꠀꠍꠦ, ꠘꠣ ꠜꠥꠟ ꠙꠕꠦ ꠀꠍꠦ ꠁꠈꠣꠘ ꠔ ꠔꠣꠞ ꠝꠥꠘꠤꠛꠦ ꠛꠥꠎꠛꠣ। ꠀꠍꠟꠦ ꠔ ꠢꠦ ꠑꠤꠇ ꠙꠕꠦꠃ ꠞꠁꠛ, ꠝꠣꠟꠤꠇꠦꠃ ꠔꠣꠞꠦ ꠑꠤꠇ ꠙꠕꠦ ꠞꠣꠈꠔꠣ ꠙꠣꠞꠛꠣ।