Popular Bible Verses from ꠎꠛꠥꠞ ꠡꠞꠤꠚ 37

Share

ꠈꠥꠡꠤ-ꠛꠣꠡꠤ ꠇꠞꠅ ꠔꠥꠝꠤ ꠝꠣꠛꠥꠖꠞꠦ ꠟꠁꠀ, ꠔꠣꠁꠘꠃ ꠔꠥꠝꠣꠞ ꠝꠘꠞ ꠀꠡꠣ ꠙꠥꠞꠘ ꠇꠞꠤꠛꠣ।

ꠔꠥꠝꠣꠞ ꠎꠤꠘ꠆ꠖꠦꠉꠤꠞ ꠢꠇꠟ ꠜꠣꠞ ꠝꠣꠛꠥꠖꠞ ꠀꠔꠅ ꠍꠣꠠꠅ, ꠔꠣꠁꠘꠃ ꠌꠣꠟꠣꠁꠛꠣ ꠢꠇꠟꠔꠣ, ꠘꠤꠌ꠆ꠌꠤꠔ ꠜꠞꠡꠣ ꠞꠣꠈꠅ।

ꠝꠣꠛꠥꠖꠞ ꠍꠣꠝꠘꠦ ꠘꠤꠞꠣꠁ ꠞꠁꠀ ꠔꠣꠘ ꠟꠣꠉꠤ ꠛꠣꠞ ꠌꠣꠁꠅ, ꠚꠘ꠆ꠖꠤꠛꠣꠎꠞ ꠃꠘ꠆ꠘꠔꠤ ꠖꠦꠈꠤꠀ ꠛꠦꠎꠣꠞ ꠘꠣ ꠅꠁꠅ।

ꠝꠣꠛꠥꠖꠞ ꠃꠙꠞꠦ ꠜꠞꠡꠣ ꠇꠞꠤ ꠘꠦꠇ ꠇꠣꠝ ꠇꠞꠅ, ꠢꠇ-ꠢꠣꠟꠣꠟ ꠞꠁꠀ ꠢꠣꠞꠤ ꠛꠡꠔ ꠇꠞꠅ ꠖꠦꠡꠅ।

ꠎꠣꠞꠣꠞ ꠌꠣꠟ-ꠌꠟꠘ ꠖꠦꠈꠤꠀ ꠝꠣꠛꠥꠖ ꠅꠁꠘ ꠈꠥꠡꠤ, ꠔꠣꠁꠘꠃ ꠝꠎꠛꠥꠔ ꠇꠞꠂꠘ ꠔꠣꠞꠣꠞ ꠌꠟꠣꠞ ꠉꠔꠤ। ꠡ꠆ꠛꠄꠅꠋ ꠝꠣꠛꠥꠖꠦ ꠔꠣꠞꠣꠞ ꠀꠔꠅ ꠗꠞꠤꠀ ꠞꠣꠈꠣꠄ, ꠃꠡ꠆ꠐꠣ ꠈꠣꠁꠟꠦꠅ ꠔꠣꠞꠣ ꠙꠠꠤꠀ ꠞꠁꠔ ꠘꠣꠄ।

ꠔꠣꠁꠘ ꠔꠥꠝꠣꠞ ꠙꠞꠦꠎꠉꠣꠞꠤꠞꠦ ꠇꠞꠛꠣ ꠃꠎꠤꠟꠣ, ꠔꠥꠝꠣꠞ ꠘꠤꠞ꠆ꠖꠥꠡꠤꠔꠣ ꠎꠣꠁꠞ ꠇꠞꠛꠣ ꠖꠥꠁꠚꠞꠞ ꠟꠣꠈꠣꠘ ꠌꠇꠌꠇꠣ।

ꠉꠥꠍꠣꠞꠦ ꠖꠝꠘ ꠇꠞꠤꠀ ꠕꠣꠝꠣꠅ ꠝꠤꠎꠣꠎ ꠖꠦꠈꠣꠘꠤ, ꠛꠦꠎꠣꠞ ꠅꠁꠅ ꠘꠣ ꠔꠥꠝꠤ, ꠈꠣꠞꠣꠙꠤꠃ ꠁꠔꠣꠞ ꠚꠟ ꠈꠣꠟꠤ।

ꠀꠝꠤ ꠀꠉꠦ ꠎꠥꠀꠘ ꠀꠍꠟꠣꠝ ꠅꠈꠘ ꠛꠥꠠꠣ ꠅꠁꠍꠤ, ꠙꠞꠦꠎꠉꠣꠞꠞꠦ ꠍꠣꠠꠤꠀ ꠎꠣꠁꠔꠦ ꠀꠝꠤ ꠘꠣ ꠖꠦꠈꠍꠤ, ꠔꠣꠞꠣꠞ ꠀꠅꠟꠣꠖꠞꠦꠅ ꠇꠥꠘꠥꠖꠤꠘ ꠜꠤꠇ ꠇꠞꠣꠔ ꠘꠣ ꠙꠣꠁꠍꠤ।

ꠘꠣꠚꠞꠝꠣꠘꠞ ꠃꠘ꠆ꠘꠔꠤ ꠖꠦꠈꠤꠀ ꠝꠘ ꠈꠣꠞꠣꠙ ꠇꠞꠤꠅ ꠘꠣ, ꠔꠣꠞꠣꠞ ꠜꠣꠟꠣꠁ ꠖꠦꠈꠤꠀ ꠢꠣꠞꠤ ꠇꠞꠤꠅ ꠘꠣ ꠁꠋꠡꠣ।