Popular Bible Verses from ꠎꠛꠥꠞ ꠡꠞꠤꠚ 35

Share

ꠀꠝꠣꠞ ꠛꠤꠞꠥꠗꠤꠔꠣ ꠇꠞꠦꠞ ꠎꠣꠞꠣ, ꠔꠥꠝꠤ ꠝꠣꠛꠥꠖꠦ ꠇꠞꠅ ꠔꠣꠞꠣꠞ ꠛꠤꠞꠥꠗꠤꠔꠣ, ꠟꠣꠠꠣꠁ ꠇꠞꠦꠞ ꠎꠣꠞꠣ ꠀꠝꠣꠞ ꠟꠉꠦ, ꠔꠥꠝꠤꠅ ꠟꠣꠠꠣꠁ ꠇꠞꠅ ꠔꠣꠞꠣꠞ ꠟꠉꠦ।

ꠙꠣꠇ-ꠙꠞꠦꠎꠉꠣꠞꠤ ꠖꠦꠈꠤꠀ ꠝꠞ ꠅꠄ ꠎꠣꠞꠣ ꠈꠥꠡ-ꠛꠣꠡ, ꠈꠥꠡꠤꠞ ꠌꠥꠐꠦ ꠔꠣꠞꠣ ꠇꠞꠃꠇ ꠀꠘꠘ꠆ꠖ-ꠃꠟ꠆ꠟꠣꠡ। ꠢꠞ-ꠢꠣꠝꠦꠡꠣ ꠇꠃꠇ ꠔꠣꠞꠣ ꠀꠟꠢꠣꠝꠖꠥꠟꠤꠟ꠆ꠟꠣ, ꠘꠤꠎꠞ ꠛꠘ꠆ꠖꠣꠞ ꠡꠣꠘ꠆ꠔꠤ ꠖꠦꠈꠤꠀ ꠈꠥꠡꠤ ꠅꠁꠘ ꠔ ꠀꠟ꠆ꠟꠣ।

ꠔꠥꠝꠣꠞ ꠢꠇ ꠛꠤꠌꠣꠞꠞ ꠉꠥꠘ ꠉꠣꠁꠝꠥ ꠀꠝꠣꠞ ꠎꠤꠚꠞꠣꠖꠤ, ꠉꠥꠘꠉꠣꠘ ꠉꠣꠁꠝꠥ ꠔꠥꠝꠣꠞ ꠖꠤꠘ-ꠞꠣꠁꠔ ꠜꠞꠤ॥

ꠀꠝꠣꠞ ꠝꠘꠦ-ꠔꠘꠦ ꠇꠃꠇ, “ꠅ ꠀꠟ꠆ꠟꠣ, ꠔꠥꠝꠣꠞ ꠢꠝꠣꠘ ꠀꠞ ꠇꠦ ꠀꠍꠦ ꠎꠉꠔꠦ? ꠛꠟꠛꠣꠘꠞ ꠀꠔ ꠕꠣꠇꠤ ꠃꠖ꠆ꠖꠣꠞ ꠇꠞꠅ ꠘꠤꠞꠣꠡ꠆ꠞꠄꠞꠦ, ꠟꠥꠐꠇꠣꠞꠤꠞ ꠉꠦꠍ ꠕꠣꠇꠤ ꠔꠥꠝꠤ ꠛꠣꠌꠣꠁꠞꠣꠄ ꠖꠥꠈꠤ-ꠇꠣꠋꠉꠣꠟꠞꠦ।”