Popular Bible Verses from ꠁꠘ꠆ꠎꠤꠟ ২: ꠝꠣꠞ꠆ꠇꠥꠍ 14

Share

ꠔꠣꠁꠘ ꠇꠁꠟꠣ, “ꠅ ꠀꠛ꠆ꠛꠣ, ꠀꠝꠣꠞ ꠅꠟꠤ, ꠔꠥꠝꠤ ꠔ ꠢꠇꠟꠔꠣꠃ ꠇꠞꠔꠣꠄ ꠙꠣꠞ। ꠔꠥꠝꠤ ꠀꠝꠣꠞ ꠃꠙꠞ ꠕꠣꠇꠤ ꠀꠘꠦꠅꠀꠟꠣ ꠅꠃ ꠝꠍꠤꠛꠔ ꠈꠣꠘ ꠢꠞꠣꠁꠟꠣꠅ। ꠅꠁꠟꠦ ꠁꠔꠣ ꠀꠝꠣꠞ ꠁꠌ꠆ꠍꠣꠄ ꠘꠣꠄ, ꠔꠥꠝꠣꠞ ꠝꠞ꠆ꠎꠤ ꠝꠣꠚꠤꠇꠃ ꠅꠃꠇ।”

ꠢꠎꠣꠉ ꠞꠅ, ꠙꠞꠤꠇ꠆ꠇꠣ ꠕꠣꠇꠤ ꠛꠣꠌꠔꠣꠄ ꠇꠞꠤ ꠖꠥꠀ ꠇꠞꠅ। ꠖꠤꠟꠞ ꠝꠣꠎꠦ ꠘꠤꠌꠄ ꠈꠤꠀꠟ ꠀꠍꠦ, ꠅꠁꠟꠦ ꠇꠣꠄꠀ ꠔ ꠇꠝꠎꠥꠞ।”

ꠀꠝꠤ ꠔꠥꠝꠞꠣꠞꠦ ꠢꠇ ꠇꠕꠣ ꠇꠁꠀꠞ, ꠖꠥꠘꠤꠀꠞ ꠎꠦꠇꠥꠘꠥ ꠎꠣꠉꠣꠔ ꠀꠟ꠆ꠟꠣꠞ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠡꠝꠄ, ꠅꠃ ꠛꠦꠌꠣꠠꠤꠞꠦ ꠝꠘꠅ ꠇꠞꠣꠞ ꠟꠣꠉꠤ, ꠔꠣꠘ ꠁ ꠇꠣꠝꠞ ꠇꠕꠣ ꠈꠣꠘꠅ ꠇꠅꠀ ꠎꠣꠁꠛ।”

ꠔꠣꠁꠘ ꠄꠞꠣꠞꠦ ꠇꠁꠟꠣ, “ꠖꠥꠈꠦ ꠀꠝꠣꠞ ꠎꠣꠘ ꠛꠣꠞ ꠅꠁ ꠎꠣꠞꠉꠤ। ꠔꠥꠝꠞꠣ ꠢꠇꠟ ꠅꠘꠅ ꠞꠅ ꠀꠞ ꠢꠎꠣꠉ ꠕꠣꠇꠅ।”

ꠈꠣꠘꠣꠔ ꠞꠁꠍꠂꠘ, ꠅꠃ ꠡꠝꠄ ꠁꠍꠣꠄ ꠞꠥꠐꠤ ꠀꠔꠅ ꠟꠁꠀ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ, ꠍꠤꠠꠤꠀ ꠐꠥꠇꠞꠣ ꠐꠥꠇꠞꠣ ꠇꠞꠤ ꠍꠣꠢꠣꠛꠤ ꠅꠇꠟꠞ ꠀꠔꠅ ꠖꠤꠀ ꠇꠁꠟꠣ, “ꠅꠃ ꠘꠦꠅ, ꠝꠘꠅ ꠇꠞꠅ ꠁꠔꠣ ꠀꠝꠣꠞ ꠡꠞꠤꠟ।”

ꠛꠣꠖꠦ ꠔꠣꠁꠘ ꠀꠋꠉꠥꠞꠞ ꠡꠞꠛꠔꠞ ꠙꠤꠀꠟꠣ ꠟꠁꠀ ꠀꠟ꠆ꠟꠣꠞ ꠡꠥꠇꠞꠤꠀ ꠎꠣꠘꠣꠁꠀ ꠄꠞꠣꠞꠦ ꠖꠤꠟꠣ। ꠄꠞꠣ ꠢꠇꠟꠦ ꠅꠃ ꠙꠤꠀꠟꠣ ꠕꠣꠇꠤ ꠡꠞꠛꠔ ꠈꠣꠁꠟꠣ। ꠁꠍꠣꠄ ꠇꠁꠟꠣ, “ꠈꠣꠅ, ꠝꠘꠅ ꠇꠞꠅ ꠁꠔꠣ ꠀꠝꠣꠞ ꠟꠃ। ꠅꠃ ꠟꠃꠞ ꠎꠞꠤꠀꠄ ꠀꠖꠝ ꠎꠣꠔꠤꠞ ꠛꠃꠔꠞ ꠛꠣꠌꠤꠛꠣꠞ ꠟꠣꠉꠤ ꠘꠄꠀ ꠃꠍꠤꠟ꠆ꠟꠣ ꠇꠣꠁꠝ ꠇꠞꠣ ꠅꠁꠛ।

ꠙꠣꠠꠅ ꠉꠤꠀ ꠁꠍꠣꠄ ꠔꠣꠘ ꠍꠣꠢꠣꠛꠤ ꠅꠇꠟꠞꠦ ꠇꠁꠟꠣ, “ꠔꠥꠝꠞꠣ ꠢꠇꠟꠦꠃ ꠔ ꠀꠝꠣꠞꠦ ꠚꠣꠟꠣꠁꠀ ꠜꠣꠉꠤꠛꠣꠄ। ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ, ‘ꠀꠝꠤ ꠙꠣꠟꠞ ꠞꠣꠈꠣꠟꠞꠦ ꠝꠣꠞꠤꠟꠤꠝꠥ, ꠔꠦꠃ ꠙꠣꠟꠞ ꠝꠦꠠꠣꠁꠘ ꠌꠣꠁꠞꠅꠛꠣꠄ ꠍꠤꠔ꠆ꠞꠤꠎꠤꠛꠣ।’

ꠃꠑꠅ, ꠀꠝꠞꠣ ꠞꠅꠀꠘꠣ ꠖꠦꠁ। ꠀꠝꠣꠞꠦ ꠎꠦꠉꠤꠄ ꠖꠥꠡꠝꠘꠞ ꠀꠔꠅ ꠗꠞꠣꠁ ꠖꠤꠛ, ꠢꠦ ꠀꠁꠀ ꠀꠎꠤꠉꠦꠍꠦ।”

ꠁꠍꠣꠄ ꠇꠁꠟꠣ, “ꠔꠦ ꠢꠥꠘꠅ, ꠀꠝꠤ ꠔꠥꠝꠣꠞꠦ ꠇꠁꠞꠣꠝ, ꠀꠁꠎ ꠙꠔꠣꠛꠣꠟꠣ ꠝꠥꠞꠉꠣꠄ ꠖꠥꠁꠛꠣꠞ ꠛꠣꠋ ꠖꠤꠛꠣꠞ ꠀꠉꠦꠃ, ꠔꠥꠝꠤ ꠔꠤꠘꠛꠣꠞ ꠇꠁꠛꠣꠄ, ꠔꠥꠝꠤ ꠀꠝꠣꠞꠦ ꠌꠤꠘ ꠘꠣ।”