Popular Bible Verses from ꠁꠘ꠆ꠎꠤꠟ ৩: ꠟꠥꠇ 3

Share

ꠄꠢꠤꠀ ꠘꠛꠤ ꠎꠦꠟꠅ ꠢꠣꠝꠣꠘꠤꠞ ꠀꠉꠦ, ꠔꠣꠘ ꠉꠦꠍꠦ ꠀꠁꠀ ꠎꠦꠛꠟꠣ ꠛꠃꠔ ꠝꠣꠘꠡꠦ ꠔꠃꠛꠣꠞ ꠉꠥꠍꠟ ꠇꠞꠞꠣ, ꠅꠃ ꠡꠝꠄ ꠁꠍꠣꠅ ꠅꠘꠅ ꠀꠁꠀ ꠔꠣꠞꠣꠞ ꠟꠉꠦ ꠉꠥꠍꠟ ꠇꠞꠟꠣ। ꠉꠥꠍꠟꠞ ꠛꠣꠖꠦ ꠁꠍꠣꠄ ꠎꠦꠛꠟꠣ ꠖꠥꠀ ꠇꠞꠞꠣ, ꠀꠈꠔꠣꠃ ꠀꠟ꠆ꠟꠣꠞ ꠀꠞꠡꠞ ꠖꠥꠀꠞ ꠈꠥꠟꠤꠉꠦꠟ, ꠀꠞ ꠙꠣꠇ ꠞꠥꠢꠥ ꠙꠣꠞꠅꠞ ꠍꠥꠞꠔ ꠗꠞꠤꠀ ꠔꠣꠘ ꠃꠙꠞꠦ ꠘꠣꠎꠤꠟ ꠅꠁꠟꠣ। ꠟꠉꠦ ꠟꠉꠦ ꠛꠦꠢꠦꠡ꠆ꠔꠤ ꠅꠃ ꠀꠅꠀꠎꠅ ꠢꠥꠘꠣ ꠉꠦꠟ, “ꠔꠥꠝꠤꠃ ꠀꠝꠣꠞ ꠈꠣꠍ ꠝꠣꠄꠀꠞ ꠎꠘ, ꠔꠥꠝꠣꠞ ꠃꠙꠞꠦ ꠀꠝꠤ ꠈꠥꠛ ꠈꠥꠡꠤ।”

ꠅꠁꠟꠦ ꠄꠢꠤꠀꠄ ꠔꠣꠞꠣꠞꠦ ꠇꠁꠟꠣ, “ꠀꠝꠤ ꠈꠣꠟꠤ ꠙꠣꠘꠤꠖꠤ ꠔꠃꠛꠣꠞ ꠉꠥꠍꠟ ꠇꠞꠣꠁꠀꠞ, ꠔꠦ ꠀꠝꠣꠞ ꠛꠣꠖꠦ ꠎꠦꠁꠘ ꠔꠡꠞꠤꠚ ꠀꠘꠞꠣ, ꠔꠣꠁꠘ ꠀꠝꠣ ꠕꠣꠇꠤꠅ ꠔꠣꠇ꠆ꠇꠔ ꠀꠟꠣ। ꠔꠣꠘ ꠙꠣꠅꠞ ꠎꠥꠔꠣꠞ ꠚꠤꠔꠣ ꠉꠦꠍꠣ ꠈꠥꠟꠣꠞ ꠎꠥꠇꠣꠅ ꠀꠝꠤ ꠘꠣꠄ। ꠔꠣꠁꠘ ꠀꠁꠟꠦ ꠙꠣꠇ ꠞꠥꠢꠥ ꠀꠞ ꠀꠉꠥꠁꠘ ꠖꠤꠀ ꠔꠥꠝꠞꠣꠞꠦ ꠉꠥꠍꠟ ꠇꠞꠣꠁꠛꠣ।

ꠢꠣꠍꠣꠃ ꠎꠥꠖꠤ ꠔꠥꠝꠞꠣ ꠔꠃꠛꠣ ꠇꠞꠤꠀ ꠕꠣꠇꠅ, ꠔꠦ ꠄꠞ ꠚꠟꠅ ꠖꠦꠈꠣꠅ। ꠝꠘꠦ ꠝꠘꠦ ꠇꠁꠅ ꠘꠣ, ꠔꠥꠝꠞꠣ ꠁꠛ꠆ꠞꠣꠢꠤꠝꠞ ꠀꠅꠟꠣꠖ। ꠢꠥꠘꠅ, ꠀꠝꠤ ꠇꠁꠞꠣꠝ, ꠀꠟ꠆ꠟꠣꠄ ꠌꠣꠁꠟꠦ ꠔ ꠅꠃ ꠙꠣꠔ꠆ꠔꠞ ꠅꠇꠟ ꠕꠣꠇꠤꠃ ꠁꠛ꠆ꠞꠣꠢꠤꠝꠞ ꠀꠅꠟꠣꠖ ꠛꠣꠘꠣꠁꠔꠣ ꠙꠣꠞꠛꠣ।

ꠉꠣꠍꠞ ꠉꠥꠠꠤꠔ ꠔ ꠇꠥꠠꠣꠟ ꠟꠣꠉꠣꠁꠟꠃ ꠀꠍꠦ। ꠎꠦ ꠉꠣꠍꠅ ꠜꠣꠟꠣ ꠚꠟ ꠗꠞꠦ ꠘꠣ, ꠁ ꠉꠣꠍ ꠇꠣꠐꠤꠀ ꠀꠉꠥꠘꠤꠔ ꠚꠣꠟꠣꠁꠟ ꠅꠁꠛ।”

ꠄꠢꠤꠀ ꠘꠛꠤꠞ ꠛꠦꠙꠣꠞꠦ ꠁꠡꠣꠄꠀ ꠘꠛꠤꠞ ꠇꠤꠔꠣꠛꠅ ꠎꠦꠟꠣ ꠟꠦꠈꠣ ꠀꠍꠤꠟ, ꠔꠣꠁꠘ ꠅꠃꠟꠣ ꠇꠞꠟꠣ। ꠟꠦꠈꠣ ꠀꠍꠦ, ꠝꠞꠥꠜꠥꠝꠤꠞ ꠝꠣꠎꠦ ꠄꠇꠎꠘꠦ ꠄꠟꠣꠘ ꠇꠞꠞꠣ, ꠔꠥꠝꠞꠣ ꠝꠣꠟꠤꠇꠞ ꠙꠕ ꠍꠢꠤ ꠇꠞꠅ, ꠔꠣꠘ ꠌꠟꠣꠞ ꠞꠣꠡ꠆ꠔꠣ ꠅꠇꠟ ꠡꠤꠗꠣ ꠇꠞꠅ। ꠙꠣꠠꠤꠀ ꠢꠇ꠆ꠇꠟ ꠘꠤꠌꠣ ꠎꠣꠉꠣ ꠜꠞꠣꠐ ꠅꠁꠛ, ꠃꠌꠣ-ꠘꠤꠌꠣ ꠐꠤꠟ꠆ꠟꠣꠁꠘ ꠢꠝꠣꠘ ꠇꠞꠣ ꠅꠁꠛ। ꠔꠦꠠꠣ-ꠛꠦꠇꠣ ꠢꠇꠟ ꠙꠕ ꠡꠥꠎꠣ ꠅꠁꠛ, ꠉꠣꠔ-ꠉꠣꠠꠣ ꠢꠇꠟꠔꠣ ꠢꠝꠣꠘ ꠇꠞꠣ ꠅꠁꠛ। ꠀꠞ ꠖꠥꠘꠤꠀꠞ ꠝꠣꠘꠡꠞꠦ ꠔꠞꠣꠘꠤꠞ ꠟꠣꠉꠤ ꠀꠟ꠆ꠟꠣꠄ ꠘꠣꠎꠣꠔꠞ ꠎꠦ ꠃꠍꠤꠟ꠆ꠟꠣ ꠇꠞꠍꠂꠘ ꠔꠣꠝꠣꠝ ꠝꠣꠘꠡꠦꠃ ꠁꠔꠣ ꠖꠦꠈꠛꠣ।