Popular Bible Verses from ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28

Share

ꠀꠝꠤ ꠔꠥꠝꠣꠞ ꠟꠉꠦ ꠟꠉꠦ ꠀꠍꠤ, ꠔꠥꠝꠤ ꠎꠦꠘꠅꠃ ꠎꠣꠅ ꠘꠣ ꠇꠦꠘꠦ ꠀꠝꠤ ꠔꠥꠝꠣꠞꠦ ꠢꠦꠚꠣꠎꠔ ꠇꠞꠝꠥ ꠀꠞ ꠅꠃ ꠖꠦꠡꠅ ꠢꠤꠞꠛꠣꠞ ꠔꠥꠝꠣꠞꠦ ꠚꠤꠞꠣꠁꠀ ꠀꠘꠝꠥ। ꠀꠝꠤ ꠔꠥꠝꠣꠞꠦ ꠎꠦꠔꠣ ꠎꠦꠔꠣ ꠇꠁꠍꠤ ꠁꠔꠣ ꠢꠣꠍꠤꠟ ꠅꠀꠞ ꠀꠉꠦ, ꠔꠥꠝꠣꠞꠦ ꠍꠣꠠꠔꠣꠝ ꠘꠣꠄ।”

ꠀꠞ ꠝꠣꠛꠥꠖꠦ ꠄꠞ ꠃꠙꠞꠦ ꠃꠛꠣꠁꠀ ꠇꠁꠞꠣ, “ꠀꠝꠤ ꠝꠣꠛꠥꠖ, ꠔꠥꠝꠣꠞ ꠛꠣꠚ-ꠖꠣꠖꠣꠁꠘ ꠁꠛ꠆ꠞꠣꠢꠤꠝꠞ ꠀꠟ꠆ꠟꠣ ꠀꠞ ꠁꠍꠢꠣꠇꠞ ꠀꠟ꠆ꠟꠣ। ꠔꠥꠝꠤ ꠅꠃ ꠎꠦ ꠎꠝꠤꠘꠅ ꠢꠥꠔꠤꠍ, ꠁꠐꠣ ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞꠦ ꠖꠤꠝꠥ।

ꠛꠣꠖꠦ ꠁꠀꠇꠥꠛꠦ ꠊꠥꠝ ꠕꠣꠇꠤ ꠃꠑꠤꠀ ꠇꠁꠟꠣ, “ꠔꠣꠁꠟꠦ ꠢꠣꠍꠣꠃ ꠝꠣꠛꠥꠖ ꠁꠘꠅ ꠀꠍꠂꠘ, ꠀꠝꠤ ꠔ ꠎꠣꠘꠔꠣꠝ ꠘꠣ।”

ꠛꠣꠖꠦ ꠁꠀꠇꠥꠛꠦ ꠇꠍꠝ ꠈꠣꠁꠀ ꠇꠁꠟꠣ, “ꠀꠟ꠆ꠟꠣꠄ ꠎꠥꠖꠤ ꠀꠝꠣꠞ ꠁ ꠍꠚꠞꠅ ꠢꠦꠚꠣꠎꠔ ꠇꠞꠂꠘ, ꠔꠣꠁꠘ ꠀꠝꠣꠞ ꠈꠣꠘꠤ-ꠈꠥꠞꠣꠇ, ꠚꠤꠘ꠆ꠖꠣꠞ ꠟꠦꠛꠣꠍ ꠎꠥꠉꠣꠁ ꠖꠦꠁꠘ, ꠀꠝꠤ ꠢꠤꠞꠛꠣꠞ ꠍꠢꠤ-ꠍꠣꠟꠣꠝꠔꠦ ꠛꠣꠚꠞ ꠛꠣꠠꠤꠔ ꠚꠤꠞꠤꠀ ꠀꠁ, ꠔꠦ ꠅꠃ ꠝꠣꠛꠥꠖꠞꠦꠃ ꠀꠝꠣꠞ ꠀꠟ꠆ꠟꠣ ꠝꠣꠘꠝꠥ। ꠀꠞ ꠅꠃ ꠎꠦ ꠙꠣꠔ꠆ꠔꠞ ꠀꠝꠤ ꠈꠥꠐꠤ ꠉꠣꠠꠤꠀ ꠕꠁꠟꠣꠝ, ꠅꠘꠅ ꠛꠣꠄꠔꠥꠟ꠆ꠟꠣ ꠡꠞꠤꠚ ꠅꠁꠛ। ꠀꠞ ꠔꠥꠝꠤ ꠀꠝꠣꠞꠦ ꠎꠔꠔꠣ ꠖꠤꠛꠣꠄ, ꠄꠞ ꠖꠡ ꠛꠣꠐꠞ ꠄꠇ ꠛꠣꠐ ꠀꠝꠤ ꠘꠤꠌ꠆ꠌꠄ ꠔꠥꠝꠣꠞꠦ ꠖꠤꠟꠣꠁꠝꠥ।”

ꠔꠥꠝꠣꠞ ꠅꠀꠞꠤꠡ ꠅꠇꠟ ꠖꠥꠘꠤꠀꠁꠞ ꠗꠥꠁꠟ-ꠛꠣꠟꠥꠞ ꠟꠣꠈꠣꠘ ꠛꠦꠢꠤꠡꠣꠛ ꠅꠁꠛꠣ। ꠀꠞ ꠙꠥꠛꠦ-ꠙꠁꠌꠝꠦ, ꠃꠔꠞꠦ-ꠖꠃꠇꠘꠦ ꠌꠣꠁꠞꠅꠛꠣꠄ ꠝꠦꠟꠤꠎꠤꠛꠣ। ꠔꠥꠝꠤ ꠀꠞ ꠔꠥꠝꠣꠞ ꠛꠋꠡꠞ ꠝꠣꠎꠦꠖꠤ ꠖꠥꠘꠤꠀꠁꠞ ꠢꠇ꠆ꠇꠟ ꠎꠣꠔꠤꠄ ꠛꠞꠇꠔ ꠢꠣꠍꠤꠟ ꠇꠞꠛꠣ।

ꠀꠞ ꠢꠤ ꠎꠣꠉꠣꠞ ꠘꠣꠝ ꠞꠣꠈꠟꠣ ꠛꠦꠕꠦꠟ [ꠝꠣꠘꠤ, ꠛꠣꠄꠔꠥꠟ꠆ꠟꠣ], ꠁꠘꠞ ꠀꠉꠞ ꠘꠣꠝ ꠀꠍꠤꠟ ꠟꠥꠎ।