Popular Bible Verses from ꠔꠃꠞꠣꠔ ২: ꠢꠤꠎꠞꠔ 1

Share

ꠅꠁꠟꠦ ꠢꠤ ꠖꠣꠁ ꠛꠦꠐꠤꠘ꠆ꠔꠦ ꠀꠟ꠆ꠟꠣꠞꠦ ꠒꠞꠣꠁꠔꠣ ꠉꠔꠤꠇꠦ, ꠝꠤꠡꠞꠤ ꠛꠣꠖꠡꠣꠞ ꠢꠥꠇꠥꠝ ꠘꠣ ꠝꠣꠘꠤꠀ ꠙꠥꠀꠂꠘ꠆ꠔꠞꠦꠅ ꠎꠤꠔꠣ ꠞꠣꠈꠔꠣ।

ꠅꠁꠟꠦ ꠄꠞꠣꠞ ꠃꠙꠞꠦ ꠎꠔ ꠛꠦꠡꠤ ꠎꠥꠞ-ꠎꠥꠟꠥꠝ ꠇꠞꠣ ꠅꠁꠟ, ꠄꠞꠣꠅ ꠅꠔ ꠛꠦꠡꠤ ꠛꠣꠠꠤꠟꠣ ꠀꠞ ꠍꠤꠔ꠆ꠞꠤꠟꠣ। ꠄꠞꠟꠣꠉꠤ ꠝꠤꠡꠞꠤ ꠅꠇꠟꠦ ꠛꠘꠤ ꠁꠍꠞꠣꠁꠟꠞꠦ ꠈꠥꠛ ꠒꠞꠣꠁꠉꠦꠟꠣ।

ꠅꠃ ꠖꠥꠁꠅ ꠛꠦꠐꠤꠄ ꠀꠟ꠆ꠟꠣꠞꠦ ꠒꠞꠣꠁꠔꠣ ꠇꠞꠤ, ꠀꠟ꠆ꠟꠣꠄ ꠞꠢꠝꠔ ꠇꠞꠤꠀ ꠔꠣꠞꠣꠞꠦꠅ ꠀꠅꠟꠣꠖ ꠖꠤꠟꠣ। ꠀꠞ ꠛꠘꠤ ꠁꠍꠞꠣꠁꠟꠅ ꠀꠞꠅ ꠛꠦꠡꠤ ꠇꠞꠤ ꠛꠣꠠꠤꠀ ꠈꠥꠛ ꠡꠇ꠆ꠔꠤꠝꠣꠘ ꠅꠁꠟꠣ।

ꠄꠞꠝꠣꠎꠦ ꠝꠤꠡꠞꠅ ꠄꠇꠎꠘ ꠘꠄꠀ ꠛꠣꠖꠡꠣ ꠅꠁꠟꠣ, ꠄꠁꠘ ꠁꠃꠍꠥꠚꠞꠦ ꠌꠤꠘꠂꠘ ꠘꠣ।