Popular Bible Verses from ꠁꠘ꠆ꠎꠤꠟ ৫: ꠍꠣꠢꠣꠛꠤ ꠘꠣꠝꠣ 16

Share

ꠔꠣꠞꠣ ꠎꠥꠀꠙ ꠖꠤꠟꠣ, “ꠢꠎꠞꠔ ꠁꠍꠣꠞ ꠃꠙꠞꠦ ꠁꠝꠣꠘ ꠀꠘꠃꠇ꠆ꠇꠣ, ꠔꠦꠃ ꠀꠙꠘꠦ ꠀꠞ ꠀꠙꠘꠣꠞ ꠛꠣꠠꠤꠞ ꠢꠇꠟ ꠎꠣꠘꠦ ꠛꠣꠌꠛꠣ।”

ꠀꠗꠣ ꠞꠣꠁꠔꠇꠥꠞ ꠛꠣꠟꠣ ꠙꠣꠃꠟꠥꠍ ꠀꠞ ꠍꠤꠟꠣꠍꠦ ꠀꠟ꠆ꠟꠣꠞ ꠢꠣꠝꠖ-ꠉꠎꠟ ꠉꠣꠁꠔꠦ ꠉꠣꠁꠔꠦ ꠖꠥꠀ ꠇꠞꠣꠔ ꠀꠍꠟꠣ, ꠎꠦꠟꠞ ꠇꠄꠖꠤ ꠅꠇꠟꠦ ꠇꠣꠘ ꠙꠣꠔꠤꠀ ꠔꠣꠞꠣꠞ ꠉꠎꠟ ꠢꠥꠘꠟꠣ। ꠅꠃ ꠡꠝꠄ ꠀꠈꠔꠣꠃ ꠛꠠ ꠄꠇ ꠜꠂꠍꠣꠟ ꠅꠁꠟ, ꠀꠡ꠆ꠔꠣ ꠎꠦꠟꠈꠣꠘꠣꠞ ꠜꠤꠔ ꠇꠣꠙꠤꠀ ꠃꠑꠟ। ꠎꠦꠟꠞ ꠢꠇꠟ ꠖꠥꠀꠞ ꠀꠞ ꠇꠄꠖꠤ ꠅꠇꠟꠞ ꠡꠤꠇꠟ ꠈꠥꠟꠤꠉꠦꠟ।

ꠛꠣꠖꠦ ꠙꠣꠃꠟꠥꠍ ꠀꠞ ꠍꠤꠟꠣꠍꠞꠦ ꠛꠣꠞꠦ ꠀꠘꠤꠀ ꠎꠤꠇꠣꠁꠟꠣ, “ꠍꠣꠛ ꠅꠇꠟ, ꠀꠝꠤ ꠇꠤꠔꠣ ꠇꠞꠟꠦ ꠎꠣꠘꠦ ꠛꠣꠌꠔꠣꠝ ꠙꠣꠞꠝꠥ?”

ꠔꠦꠃ ꠎꠦꠟꠞ ꠅꠚꠤꠡꠣꠞꠞ ꠊꠥꠝ ꠜꠣꠋꠟ ꠀꠞ ꠎꠦꠟꠞ ꠢꠇꠟ ꠖꠥꠀꠞ ꠈꠥꠟꠣ ꠖꠦꠈꠤꠀ ꠔꠣꠘ ꠔꠟꠥꠀꠞ ꠛꠣꠞ ꠇꠞꠤꠀ ꠘꠤꠎꠦ ꠘꠤꠎꠦ ꠈꠥꠘ ꠅꠁꠎꠤꠔꠣ ꠌꠣꠁꠟꠣ, ꠔꠣꠁꠘ ꠝꠘꠅ ꠇꠞꠟꠣ, ꠢꠇꠟ ꠇꠄꠖꠤ ꠜꠣꠉꠤꠀ ꠉꠦꠍꠂꠘꠉꠤ। ꠅꠃ ꠙꠣꠃꠟꠥꠍꠦ ꠖꠦꠈꠤꠀ ꠌꠤꠟ꠆ꠟꠣꠁꠀ ꠇꠁꠟꠣ, “ꠖꠝ ꠟꠅ, ꠖꠝ ꠟꠅ, ꠘꠤꠎꠞ ꠈꠦꠔꠤ ꠇꠞꠤꠅ ꠘꠣ, ꠀꠝꠞꠣ ꠢꠇꠟꠃ ꠁꠈꠣꠘꠅ ꠞꠁꠍꠤ।”