Popular Bible Verses from Sam 95

Share

Mae todoṉo mada vahesia, mada kokotuṉu pa kenuna e Zihova sapu tavete gita. Ura Asa sa nada Tamasa, gita si na Nana tie pu ta kopue koa Sa, meke guana Nana rovana sipi pu kopu ni gita Sa. Mi va avosia kamahire gua sapu zama nia Sa.

Mae mada kera vahesia se Zihova! Mada velavela vahesia pa qinetuqetu sa Patu hihiu tana nada Hinarupu! Mada nuquru mae pa kenuna Sa pa kinera vinahesi, mada kera qetuqetu Nia koari na kinera vinahesi.

Ura e Zihova sina Tamasa lavata, Asa si na Baṉara lavata sapu ṉati hiniva ni sari doduru tamasa.

Ṉati hiniva nia Sa sa doduruna sa kasia popoa, podalae koari na vasidi lohidi meke kamo koari na toqere ululudi hola.