Popular Bible Verses from Sam 77

Share

Kei Zihova, kaqu balabala i rau sari na Mua tinavete marilaedi, kaqu balabala pule la i rau sari na tinavete variva magasadi pu ele evaṉi Goi pukerane. Kaqu koa noso meke balabala va lohi la i rau sari doduru Mua tinavete, meke kaqu balabala i rau sari na Mua tinavete ṉiṉiradi variva magasadi.

Agoi mo sa Tamasa sapu taveti sari doduru tinavete variva magasadi, sapu vata dogoro nia sa Mua ṉiniraṉira koari na butubutu.

Kei Tamasa, hopedi meke viadi sari doduru Mua tinavete; loke tamasa pule si koa sapu noma hola kekeṉoṉo gua Agoi.

Kabo va ululae la si rau koe Tamasa; kabo va ululae si rau, meke avosau Sa. Koari na totoso tasuna, si tepa la si rau koasa Baṉara; doduru boṉi si lopu hite mabo ovulu sage ni rau sari limaqu pa vinaravara, ba lopu hite boka koa manoto si rau.