Popular Bible Verses from Sam 63

Share

Ke Tamasa, Agoi mo sa qua Tamasa; saivi hataigo rau si Goi. Doduruna sa qua tinoa si okoro pude dogorigo; kekeṉoṉo gua sapu memeha nia rau sa kolo pa popoa popana si gua tugo sa maqomaqoqu si memeha nigo.

Sina sa Mua tataru nabuna si leana hola nia sa tinoa; ke maqu vahesi Igo.

Kaqu zama leana si rau koa Goi pa doduruna sa qua tinoa, kaqu va sagei rau sari na limaqu na vinaravara pude vahesi Igo.

Mu vata dogoro koa rau pa Mua vasina hopena, Mu va dogoro nau sa Mua ṉiniraṉira meke sa Mua tinolava soti.

Ura Agoi mo sa qua tinokae doduru totoso. Ke kaqu kera qetuqetu Nigo rau koasa Mua kinopu koa rau pa kauru tatapurumu Goi ta kopue si rau. Koa soto va nabu koa Goi si rau, sa Mua ṉiniraṉira si tuqe au na va sare au.

Sipu eko si rau pa qua teqe, si balabala pulei rau sari na Mua tinokae koa rau; doduru boṉi si va nonoga Igo rau si Goi pa buloqu.