Popular Bible Verses from Sam 51

Share

Kei Tamasa, Mu poni nau sa bulo viana, Mamu vekoa koa rau sa maqomaqo ṉoṉo sapu soto va nabu koa Agoi.

Mu poni pule nau sa qinetuqetuna sa Mua tinaharupu, Mamu toka nau pude qu okoro va tabe hinokarigo.

Mu lopu hitu pani au koa Goi, Mamu lopu vagi pania sa Mua Maqomaqo Hope koa rau.

Sa qua vina vukivukihi sapu variva qetu koe Zihova, si na maqomaqo va pepekae. Lopu kaqu kilua Goi sa bulo sapu kekere na va pulepaho.

Ke Tamasa, Mu tataru nau pa korapa Mua tataru nabuna. Pa korapana sa Mua tataru variva taleosae si Mu va via au koari doduru qua sineke tinarae. Mu va mate pani sari doduru qua kinaleadi, Mamu va via au koari doduru qua sinea.

Mu va mate pani sari na qua sinea, meke kaqu koa via si rau. Mu va via au, meke kaqu keoro hola nia rau sa sinou.

Koa Agoi mo, uve, koa Agoi mo si ele tavete va sea si rau, meke ele tavete va kaleana si rau pa kenumu Agoi. Ke toṉoto sa Mua zinutu koa arau, meke lopu sea sa Mua vinilasa.